ගෘහස්ථ හීලෑ අලි පැටවුන් නැවත කැලයට මුදා හැරීම ප්‍රායෝගික නොවන දෙයක් වන අතර එම පැටවුන් අනතුරුවලට ලක්වීමේ අවදානමක් ඇති බව ඔහු පවසයි.
අලි පැටවුන් කැලයෙන් අල්ලා විකිණීමේ ජාවාරම නැවැත්වීම සඳහා කැබිනට් මණ්ඩලයට පත්‍රිකාවක් ඉදිරිපත් කළ බව අමාත්‍යවරයා පෙන්වා දෙයි.
අලි පැටවකු කැලයෙන් අල්ලා අලෙවි කරන්නේ කෝටි 1 1/2කට වන අතර අලි පැටවුන් අල්ලා විකිණීමට සංවිධානාත්මක කල්ලි කිහිපයක් තිබෙන බවත් ඇමැතිවරයා කීය.
කෙසේ නමුත් ඇමැතිවරයා මෙවැනි පියවරක් ගෙන ඇත්තේ, අලි ජාවාරමේ ප්‍රධානින් කිහිප දෙනෙකු එම දෙපාර්තමේන්තුවල ඉහළ නිලයන් දරමින් දූෂීත ගණුදෙනුවලට හවුල්ව ඇති බැවින් ඔවුන්ව මට්‍ටු කිරීම සඳහා යැයි අමාත්‍යාංශ ආරංචි මාර්ග පවසයි.
ඇතැම් නිළධාරියකු කෙළින්ම දෙශපාලන අධිකාරියේ ඉහළම තැනක් හා සම්බන්ධ බැවින් අලි ජාවාරම මැඩලීම ඇමැතිවරයාට සිදු කළ නොහැකිව එම ආරංචි මාර්ග තවදුරටත් පවසයි.
