වෛද්‍ය සංගමයේ නිලවරණය බලරහිත කරයි

Published in පුවත්
Friday, 04 July 2014 18:36

රජයේ වෛද්‍ය නිලධාරීන්ගේ සංගමය ඉකුත් ජුනි 28 වැනිදා පැවැත්වූ නිලවරණය බලරහිත කරමින් ගල්කිස්ස මහේස්ත්‍රාත් හා දිසා විනිසුරු ගිහාන් රණවක මහතා ඊයේ (3) අතුරු තහනම් නියෝගයක් නිකුත් කළේය.

එම තහනම් නියෝගයත් සමග තේරීපත් වූ නිලධාරී මණ්ඩලයට සංගමයේ චංචල හා නිශ්චල දේපළ භාවිතා කිරීම සපුරා තහනම් විය. රජයේ වෛද්‍ය නිලධාරීන්ගේ සංගමය නීතිවිරෝධී ආකාරයට නිලවරණයක් පවත්වන්නට සූදානම් වන බැවින් එය තහනම් කරන ලෙසට සංගමයේ වෙනත් වෛද්‍යවරුන් පිරිසක් ගල්කිස්ස අධිකරණයෙන් ඉල්ලා තිබුණි. අධිකරණය එම ඉල්ලීම පිළිගන්වමින් නිලවරණය තහනම්කොට නියෝගයක් පනවා ඇත.

ඊට එරෙහිව රජයේ වෛද්‍ය නිලධාරීන්ගේ සංගමයේ ක්‍රියාකාරීහු කොළඹ ශ්‍රේෂ්ඨාධිකරණයෙන් නිලවරණය පැවැත්වීමට අවසරය ලබාගෙන ඇත. එම අවසරය මත නිලවරණය ඉකුත් ජුනි 28 වැනිදා පවත්වා තිබේ.

ගල්කිස්ස උසාවිය මගින් පැනවූ තහනම අභියෝගයට ලක්කරමින් උසාවියට අපහාස වන ආකාරයට මෙම නිලවරණය පවත්වා ඇතැයි නිලවරණයට එරෙහි වෛද්‍ය කණ්ඩායම ගල්කිස්ස උසාවියට පෙත්සමක් ඉදිරිපත් කරමින් පවසා ඇත.

මෙහිදී අසාධාරණ හා දූෂිත ක්‍රියා සිදුවූ බවත් එබැවින් නිලවරණය තහනම් කරමින් නියෝගයක් නිකුත් කරන ලෙසත් පෙත්සම මගින් වෛද්‍ය නිලධාරීන් අධිකරණයෙන් ඉල්ලා තිබුණි.

නව නිලධාරී මණ්ඩලයට නිදහසට කරුණු ඉදිරිපත් කිරීම සඳහා ලබන 9 වෙනිදා අධිකරණය හමුවේ පෙනී සිටින ලෙස ගල්කිස්ස උසාවිය මගින් සිතාසි නිකුත් කර ඇත.

Leave a comment

ld add copy

Gossip

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

උමාලි තිලකරත්න කියලා කියන්නේ හැමෝම ආදරය කරන රංගන ශිල්පිණියක්. ඇය ඉතාම ආදරෙන් විවාහා වී සිටියේ සාරංග...

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

"පාස්කු ප්‍රහාරය සැබෑ ලෙසම කළේ කවුරුන්ද කියලා තවම කිසි කෙනෙක් කියලා නෑ. ඒක මම දන්නවා කවුද කළේ කියලා"

ප්‍රමිතියේ ගැටලුවක් නිසා mc ලංකාව හැර යන්න සුදානමින්

ප්‍රමිතියේ ගැටලුවක් නිසා mc ලංකාව හැර යන්න සුදානමින්

මෙරට පිහිටි සියලුම මැක්ඩොනල්ඩ් අවන්හල් ශාඛාවන් නැවත දැනුම් දෙන තුරු වසා දමා තිබේ.

රනිල් බැසිල් අදත් හමුවේ. ඊයේ ගත්ත තීන්දුව දැනුම් දෙයි ?

රනිල් බැසිල් අදත් හමුවේ. ඊයේ ගත්ත තීන්දුව දැනුම් දෙයි ?

ජනාධිපති රනිල් වික්‍රමසිංහ මහතා සහ පොදුජන පෙරමුණේ නිර්මාතෘ හා හිටපු අමාත්‍ය බැසිල් රාජපක්ෂ මහතා අතර...

Connet With Us