දැරිය ලිංගික අපයෝජනයට ලක්‌ කළ බවට චෝදනා ලත් ගුවන් හමුදා බුද්ධි අංශ සාමාජිකයා ඇතුළු සැකකරුවන් දෙදෙනකු ඇයගේ මවගේ සොහොයුරන් වන බව ද අනෙක්‌ තැනැත්තා ඇයගේ පෙම්වතා බව ද මොරටුමුල්ල පොලිසිය සඳහන් කර සිටී.
මොරටුමුල්ල ප්‍රදේශයේ වෙසෙන මෙම දැරියට වයස අවුරුදු එකොළහේ සිට ඇගේ මවගේ සොහොයුරන් දෙදෙනා (මාමා) විසින් ලිංගික අපයෝජනයට ලක්‌ කරමින් සිට ඇතැයි පොලිසිය වෙත ලැබී ඇති පැමිණිල්ලේ සඳහන්ය.
මෙම දැරියගේ වයස මේ වන විට අවුරුදු දහතුනකි. ප්‍රදේශයේ ජීවත්වන අනෙක්‌ සැකකරුද මෑතක සිට දැරිය සමඟ පෙම් සබඳතාවක්‌ ඇතිකර ගෙන තිබෙන අතර ඔහුද ඇය ලිංගික අපයෝජනයට ලක්‌ කර ඇතැයි පැමිණිල්ලේ සඳහන් වෙයි.
මේ පිළිබඳ ඇගේ දෙමවුපියන් පොලිසියට කළ පැමිණිල්ලට අනුව කළ පරීක්‍ෂණයේදී මීට පෙර තමාව මාමල දෙදෙනා විසින් ලිංගික අපයෝජනයට ලක්‌ කළ බව දැරිය පොලිසියට ප්‍රකාශ කර තිබේ.
ගල්කිස්‌ස ජ්‍යෙෂ්ඨ පොලිස්‌ අධිකාරිවරයා සහ මොරටුව සහකාර පොලිස්‌ අධිකාරිවරයාගේ උපදෙස්‌ හා මොරටුමුල්ල පොලිස්‌ ස්‌ථානාධිපතිවරයාගේ අධීක්‍ෂණය යටතේ මොරටුමුල්ල පොලිසියේ අපරාධ අංශයේ ස්‌ථානාධිපති අනුර වීරසේකර මහතා සහ කාන්තා පොලිස්‌ නිලධාරී ((8187) සඳමාලි මහත්මිය වැඩිදුර පරීක්‍ෂණ පවත්වති.
අපයෝජනයට ලක්‌ වූ දැරිය පරිවාස භාරයට පත්කිරීමට ද මහෙස්‌ත්‍රාත්වරයා නියෝග කර ඇත.
