පොදු අපේක්ෂයෙක් වශයෙන් ඉදිරිපත් වීමට ද තවම තීරණය කර නොමැති අතරම තමාට තිබෙන්නේ පොදු අපේක්ෂයෙකු වශයෙන් ඉදිරිපත් වීමට වඩා පොදු ප්‍රතිපත්ති ප්‍රකාශයක් බව උන්වහන්සේ පවසයි. ඒ විධායක ජනාධිපති ධුරය අහෝසි කිරීම, 17 වන සංශෝධනය ක්‍රියාත්මක කිරීම හා 18 අහෝසි කිරීම, මැතිවරණ වෙනසක් ඇති කිරීම වැනි දේ උදෙසාය.
වැඩිදුරටත් අදහස් දක්වමින් උන්වහන්සේ පවසන්නේ පොදු අපේක්ෂක වශයෙන් විවිධ දේශපාලනඥයින්ගේ, ක්‍රිඩකයන්ගේ, හිටපු තානාපතිවරුන්ගේ හා රාජ්‍ය නිලධාරින් බොහෝමයකගේ නම් මේ වන විට ද යෝජනා වී ඇති බවත් ඒ අතරින් එක් අයෙකු පොදු අපේක්ෂයෙකු වීමට නම් සියළුම විපක්ෂයේ දේශපාලන පක්‍ෂ කැමැත්ත පල කල යුතුය යනුවෙනි.
නමුත් එක් පක්ෂයක් හෝ ඔවුන්ගේ පක්ෂයේ අයෙක් ඉදිරිපත් කරන්නේ නම් පොදු අපේක්ෂයෙක් ඉදිරිපත් නොකරන බව උන්වහන්සේ පැවසූහ. උදාහරණයක් වශයෙන් එක්සත් ජාතික පක්ෂයේ රනිල් වික්‍රමසිංහ මහතා ඉදිරිපත් වන්නේ නම් තමා පොදු අපේක්ෂයෙකු වශයෙන් ඉදිරිපත් නොවීමට තීරණය කර ඇති බව පෙන්වා දුන්නේය.
එසේම ජනතා විමුක්ති පෙරමුණ හා එක්සත් ජාතික පක්ෂය තමාට පොදු අපේක්ෂයෙකු වශයෙන් ඉදිරිපත් වන ලෙස යෝජනා කළහොත් එය භාර ගෙන ඉදිරිපත් වන නමුත් මෙතෙක් එවැනි යෝජනාවක් තමාට ලැබී නොමැති බව උන්වහන්සේ පවසයි.
පසුගිය සදුදා (29) දින විශ්‍රාමික නිලධාරින් විසින් පැවැත් වු සාකච්ඡාවකදී පොදු අපේක්ෂකයා වශයෙන් සෝභිත හිමි ඉදිරිපත් කිරීමට යෝජනාවක් ද සම්මත වී තිබේ. එසේම අද (02) දිනයේද විශ්‍රාමික මහජන නියෝජිතයින් සමග පොදු අපේක්ෂකයා සම්බන්ධයෙන් සාකච්ඡාවක් පැවැත්වේ.
