අත්අඩංගුවට ගත් සිසුවා එම පාසලේ 11 ශ්‍රේණියේ ඉගෙනුම ලබන අතර 34 හැවිරිදි ගුරුවරියට දුරකථනයෙන් කළ අයුතු ලිංගික යෝජනාව පිළිබඳ එම ගුරුවරිය බඩල්කුඹුර පොලිසියට කළ පැමිණිල්ලකට අනුව සිද්ධියට සම්බන්ධ සිසුවා අත්අඩංගුවට ගෙන ඇත.
මෙසේ අත්අඩංගුවට පත්වී ඇත්තේ බඩල්කුඹුර කරවිල ප්‍රදේශයේ පදිංචි වයස අවුරුදු 17 ක පාසල් සිසුවෙකි.
අත්අඩංගුවට ගත් සිසුවා ඊයේ මොනරාගල මහෙස්‌ත්‍රාත් අධිකරණයට ඉදිරිපත් කිරීමට නියමිතව තිබිණ.
සිද්ධිය සම්බන්ධව වැඩිදුර පරීක්‍ෂණ මොනරාගල කොට්‌ඨාස භාර පොලිස්‌ අධිකාරි ලයනල් ගුණතිලක මහතාගේ උපදෙස්‌ පරිදි බඩල්කුඹුර පොලිස්‌ ස්‌ථානාධිපති පො. ප. තිලක්‌ රත්නායක මහතා ඇතුළු නිලධාරීන් සිදු කරයි.
(මොනරාගල - නයන ඉහළගෙදර සහ මාපා තිලකසූරිය - සියඹලාණ්‌ඩුව)
