සමාජ වෙබ් අඩවි තුළ පළ වී ඇති මෙම වීඩියෝ පටයේ සටහන්ව ඇත්තේ සම්පුර්ණ සිදුවීමෙන් අඩක් පමණක් බව පොලිස් මාධ්‍ය ප්‍රකාශකවරයා කියා සිටියේ ය.
පරුෂ වචන
පහර කෑ කාන්තාව තවත් කාන්තාවක් සමග පරුෂ වචන කියමින් ගුටිබැට හුවමාරු කර ගනිමින් සිටියදී පහර දීම සිදු කළ පොලිස් නිලධාරියා එම ස්ථානයට පැමිණ ඇති බව ජ්‍යෙෂ්ඨ පොලිස් අධිකාරී මාධ්‍ය ප්‍රකාශක අජිත් රෝහණ මහතා කියා සිටියේය.
පහර කෑ කාන්තාව හඳුනා ගැනීමටත් පහර දීම සිදු වූ අවස්ථාවේ ඒ අසල සිටි පුද්ගලයන්ගෙන් සාක්ෂි සටහන් කිරීමටත් බලාපොරොත්තු වන බව ඔහු වැඩි දුරටත් පැවසුවේය.
පහර දීම සිදු කරන පොලිස් නිලධාරියා හඳුනා ගෙන ඇති අතර අහිංසක නිරායුධ කාන්තාවකට මේ ආකාරයෙන් පහර දුන්නේ නම් එය පොලිස් දෙපාර්තමේන්තුව කිසිසේත් අනුමත නොකරන බව පොලිස් මාධ්‍ය ප්‍රකාශකවරයා වැඩිදුරටත් කියා සිටියේය.
