කෙසේවෙතත් විදුලි ගාස්තු සංශෝධනය කිරීමට අදාල ගැසට් නිවේදනය මහා භාණ්ඩාගාරය විසින් නිකුත් කළ පසු නව ගාස්තු ක‍්‍රමවේදය ප්රකාශයට පත් කරන බව විදුලිබල මණ්ඩලය පෙන්වා දුන්නේය.
ඒ අනුව විදුලි ගාස්තු සියයට 25කින් අඩු කෙරෙන්නේ මාසිකව ලැබෙන විදුලිබිල්පතේ අගයෙන් සියයට 25කි.
දැනට විදුලිබිල සකස් වන්නේ ස්ථාවර ගාස්තුව හා ඉන්ධන ගැලපුම් ගාස්තුවේ එකතුවක් ලෙස වන අතර එසේම භාවිතයට ගැනෙන ඒකක (යුනිට්) මත පදනම්වද විදුලි ගාස්තු එක් එක් පුද්ගලයාට හා කර්මාන්ත අනූව ගාස්තු අඩු වැඩිවේ.
එම තත්ත්වයන් කෙසේ වුවද ඕනෑම අයෙකු අතට ලැබෙන විදුලි බිලෙන් සියයට 25ක් අඩු කර නව ගාස්තුව ප්රකාශයට පත් කරන බව පසුගියදා ගනේගල මහතා පෙන්වා දුන්නේය.
එලෙස ගත් විට මාසික විදුලිබිල රුපියල් 100ක් පැමිණි අයෙකුට ඉන් සියයට 25ක් අඩුවී නව ගාස්තුව යටතේ රුපියල් 75ක විදුලි බිලක් ලැබෙනු ඇත.
අදාල සහනය මේ මස නිකුත් කෙරෙන විදුලි බිලට ඇතුළත් වන්නේ දැයි අප කළ විමසීමකදී ගනේගල මහතා කියා සිටියේ, දැනටමත් ඇතැම් පාරිභෝගිකයන්ට බිල් ලබාදී ඇති තත්ත්වයක් පවතින බැවින් එසේ වුවහොත් ලබන මස විදුලි බිලෙන් අදාළ ගාස්තුව අඩු කෙරෙන බවයි.
එමෙන්ම විදුලි බිල මෙන්ම පෙට‍්‍රල් ලීටරයක් රුපියල් 05කින්, ඞීසල් ලීටරයක් රුපියල් 03කින් සහ භූමිතෙල් ලීටරයක් රුපියල් 20කින් අඩු කරන බව ජනාධිපතිරයා පවසා තිබුණි.
