සමන්තුර අධ්‍යාපන කලාපයේ පාසල් දහහතරක ශිෂ්‍ය ශිෂ්‍යාවන් එක්‌දහස්‌ හයසියයක්‌ සඳහා උදැසන දියර කිරි ලබාදීම සිදුකෙරිණි.
සමන්තුර සෞඛ්‍ය වෛද්‍ය අධිකාරි කාර්යාලයේ මහජන සෞඛ්‍ය පරීක්‍ෂකවරුන් වීරමුණේ රාමක්‍රිෂ්ණ විදුහලට ගොස්‌ කිරි පැකට්‌ පරීක්‍ෂාකර ඒවායේ පණුවන් සිටි බව තහවුරු කර ඉතිරිව තිබූ කිරි පැකට්‌ 75 වැඩිදුර පරීක්‍ෂණයට රැගෙන යන ලදී.
සමන්තුර කලාප අධ්‍යාපන අධ්‍යක්‍ෂකගේ නියෝගය මත එම විදුහලට පැමිණි නියෝජ්‍ය අධ්‍යාපන අධ්‍යක්‍ෂකවරුන් වන ඒ. අමීර් සහ එම්. එච්. එම්. ජාබීර් යන මහත්වරු සිද්ධිය සම්බන්ධයෙන් පාසල් සංවර්ධන සමිතියේ දෙමවුපියන්ට කරුණු විස්‌තර කළහ. එය කෙසේ වෙතත් මෙතෙක් පාසල් 14 කට දිවා ආහාරය සඳහා විකල්ප ක්‍රියාමාර්ගයක්‌ ගෙන නැත.
අම්පාර දිස්‌ත්‍රික්‌කයේ ඇතැම් පාසල්වල සිසුන් සඳහාද කිරි පැකට්‌ ලබාදීම නතර කර ඇත.
නැගෙනහිර පළාතේ තෝරාගත් පාසල් සිසුන් සඳහා කිරි පැකට්‌ ලබාදීම පසුගිය මස ආරම්භ විය. එක්‌ කිරි පැකට්‌ටුවක මිලිලීටර් 150 ක ප්‍රමිතියට අනුව සකස්‌ කළ කිරි අඩංගු විය.
(සමන්තුර - නූර් එම්. µqවාඩ්)
