පසුගියදා පැවැති එජාප කෘත්‍යධිකාරී මණ්‌ඩල රැස්‌වීමේදී ද මේ සඳහා අනුමැතිය ලබාදී තිබේ.
මෙහිදී නායක රනිල් වික්‍රමසිංහ මහතා පවසා ඇත්තේ, රටේ ප්‍රධානතම දේශපාලන ධාරාවන් දෙක ලෙස එක්‌සත් ජාතික පක්‍ෂය සහ ශ්‍රී ලංකා නිදහස්‌ පක්‍ෂය ජනතාව නැවතත් පිළිගෙන ඇති බව පසුගිය ඌව පළාත් සභා මැතිවරණයේදී යළි ප්‍රදර්ශනය වී ඇති බවයි.
ශ්‍රී ලංකා නිදහස්‌ පක්‍ෂය සන්ධානගතවී කරන ලද අතර, එක්‌සත් ජාතික පක්‍ෂය තනි පක්‍ෂයක්‌ ලෙස සියයට 40 කට වඩා ඡන්ද ප්‍රතිශතයක්‌ ලබා ගත් බවද වික්‍රමසිංහ මහතා පවසා තිබේ.
සජිත් ප්‍රේමදාස සහ කරු ජයසූරිය මහත්වරුන්ද, ඒ අදහස්‌ අනුමතකරමින් කියා ඇත්තේ පොදු වැඩපිළිවෙළකට සන්ධානගතවීම සඳහා එක්‌සත් ජාතික පක්‍ෂය මූලිකව ක්‍රියාකරමින්, අනෙක්‌ පක්‍ෂ සහ සිවිල් සංවිධාන සමඟ සාකච්ඡා ආරම්භ කළ යුතු බවය.
අද රට පත්ව ඇත්තේ ව්‍යසනකාරී තත්ත්වයකට බවත් ඉන් රටබේරා ගැනීමට පොදු එකඟතාවයකට එළැඹිය යුතු බවත් ඒ මහත්වරු පවසා ඇත.
විධායක ජනාධිපති ක්‍රමය අහෝසි කිරීමට සහ රට මුහුණපා ඇති අනෙකුත් ගැටලු විසඳීම දේශපාලන පක්‍ෂ හා සංවිධාන සමඟ පුළුල් ඒකාබද්ධ සන්ධානයක්‌ ගොඩගැනීමට එක්‌සත් ජාතික පක්‍ෂය තීරණය කර ඇත.
Leave a comment
