එසේම පාලම් 10කටද දැඩි අලාභ හානි සිදුව ඇති බව එම අධිකාරියේ අධ්යක්ෂ ජනරාල් විමල් කණ්ඩම්බි පැවසීය.
බොහෝ මාර්ගවලට දැඩි අලාභ හානියක් සිදුව තිබෙන බවත් එම මාර්ග ද යථා තත්ත්වයට පත්කිරීමටද සැලකිය යුතු කාලයක් ගතවිය හැකි බවත් කී ඒ මහතා මේ වනවිට අවහිර වී ඇති මාර්ග ක්රමානුකූලව විවෘත කරමින් සිටින බවද පැවසුවේය.
ඒ අනුව අනුරාධපුරයට සහ නුවරඑළියට යන මාර්ග මෙන්ම මහනුවර - බදුල්ල මාර්ගය, ඇල්ල - වැල්ලවාය මාර්ගය, බදුල්ල - මහියංගණය මාර්ගය, මහියංගණය - මහනුවර මාර්ගය, මහනුවර - මාතලේ මාර්ගය, නුවරඑළිය - බදුල්ල මාර්ගය ඇතුළුව මාර්ග 206ක් මෙලෙස අවහිර වී ඇත.
මාර්ග සංවර්ධන අධිකාරිය, පළාත් පාලන ආයතන සේවකයන් හා ත්රිවිධ හමුදාව එක්ව එම මාර්ගවල පස් ඉවත්කරමින් ඇතත් බොහෝ මාර්ගවල එම කටයුතු සිදු කිරීම දැඩි අසීරු තත්ත්වයකට පත්ව ඇත. පස් කඳු ඉවත් කිරීමේදි ඉහළින් යළි නාය යා හැකි අවදානමක් මතුවීම හා බොහෝ ස්ථානවලට සමීප වීමට හෝ නොහැකි අන්දමින් පස් කඳු කඩා වැටිම් සිදුව තිබීම ඊට හේතුව යැයි ආපදා සහන සේවා කණ්ඩායම් සඳහන් කළේය.
