මෙම ප්‍රහාරයෙන් හරීන් ප්‍රනාන්දු මහතාට තුවාල වී නැතත් ඔහු සමග සිටි පිරිස තුවාල ලබා රෝහල් ගත කර ඇති අතර ගමන් ගත් රථ වලට මිලියන ගණනක අලාභයක් සිදුව තිබේ.
ඊයේ සවස 6 ට පමණ හරීන් ප්‍රනාන්දු මහතා ඔහුට සහාය දැක්වූ හාලිඇල ප්‍රදේශයේ මුස්ලිම් නිවසකට ඩිලාන් පෙරේරා සහ මැර කණ්ඩායමක් පැමිණ පහර දෙන බව ආරංචි වීමෙන් පසු හරීන් ප්‍රනාන්දු මහතා එම ස්ථානයට ගොස් ඇත.
එවිට එහි ඩිලාන් පෙරේරා ඇමතිවරයා සිටිනු දැක ඔහුට මේ පිලිබඳ කතා කිරීමට රථයෙන් බැස ඩිලාන් පෙරේරා මහතා අබියසට යද්දී හරීන්ට පහර දෙන්නැයි ඩිලාන් ඇමතිවරයා තම සහචරයන්ට නියෝග කර ඇත.
ඒ සමගම හරීන් ප්‍රනාන්දු මහතාගේ හිතවතුන් ඔහුව බේරා ගත් නමුත් හිතවතුන්ට සහ රථ වලට ඩිලාන් ඇමතිවරයාගේ ගේ මැරයෝ පහර දී තිබේ.
තුවාල ලත් පිරිස මේ වන විට රෝහල් ගත කර ඇති අතර පොලිසිය පැමිණිල්ල ලියා ගැනීම මග හැර තිබේ. පසුව මන්ත්‍රී නීතිඥ අජිත් පී පෙරේරා ආදීන්ගේ බල කිරීම මත පැමිණිල්ල ලියාගෙන තිබේ.
