එමෙන්ම වාග් චිකිත්සක නිලධාරීන් 9 දෙනෙකු සහ ඖෂධවේදීන් 6 දෙනෙකු ද සෞඛ්‍ය සේවවාට ඇතුලත් කර ගැනීමේ පත්වීම් ලිපි ද අමාත්‍යවරයාගේ ප්‍රධානත්වයෙන් මෙහි දී ප්‍රදානය කිරීමට නියමිතයි.
තුන්වන ශ්‍රේණියේ හෙද නිලධාරීන් ලෙස පත්වීම් ලබන මෙම නවක හෙද නිලධාරීන් 2019 සිසු හෙද කණ්ඩායම යටතේ තුන් අවුරුදු හෙද පුහුණු පාඨමාලාව සාර්ථකව නිම කරන ලද සිසු හෙද හෙදියන්.
වාග් චිකිත්සක නිලධාරීන් මෙරට පිළිගත් විශ්ව විද්‍යාලයක කතන හා භාෂා චිකිත්සක විශේෂවේදී උපාධිය සම්පූර්ණ කර ඊට අමතරව සෞඛ්‍ය අමාත්‍යාංශය මඟින් පවත්වන ලද විභාගය සමත් වී අවශ්‍යවන සියළු සුදුසුකම් සම්පූර්ණ කරන ලද නිලධාරීන්.
ඖෂධවේදීන් ලෙස පත්වීම් ලබන මෙම නිලධාරීන් වසර දෙකක ඖෂධවේදී ඩිප්ලෝමාව සාර්ථකව නිමකරන ලද හා අවශ්‍යවන අනෙකුත් සියළු සුදුසුකම් සම්පූර්ණ කරන ලද නිලධාරීන්ය.
මේ වන විට සෞඛ්‍ය ක්ෂේත්‍රයේ හෙද නිලධාරීන් 43500 කට ආසන්න ප්‍රමාණයක් ද, වාග් චිකිත්සක නිලධාරීන් 100 කට ආසන්න ප්‍රමාණයක් ද, ඖෂධවේදීන් 2000 කට ආසන්න ප්‍රමාණයක්ද මෙරට ජනතාව සුවපත් කිරීමට දායකත්වය සපයනු ලබනවා.
ගුණාත්මක හා ප්‍රශස්ථ රෝගී සත්කාර සේවාවක් අඛණ්ඩව පවත්වා ගෙන යාම අරමුණු කර ගනිමින් උතුර සහ නැගෙනහිර පළාත් ප්‍රමුඛ කරගනිමින් දිවයින පුරා පිහිටි මධ්‍යම රජය යටතේ පාලනය වන රෝහල් හා පළාත් සභාව යටතේ පාලනයවන රෝහල්වල පවතින පුරප්පාඩු සලකා බලා මෙම නවක නිලධාරීන් අනුයුක්ත කිරීමට නියමිතයි.
2025.10.15 වන දින සිට ක්‍රියාක්මක වන පරිදි මෙම නවක නිලධාරීන්ට පත්වීම් ලිපි ලබාදෙනවා.
මෙම අවස්ථාවට සෞඛ්‍ය හා ජනමාධ්‍ය අමාත්‍යාංශයේ ලේකම් විශේෂඥ වෛද්‍ය අනිල් ජාසිංහ, අතිරේක ලේකම් (පාලන) චාමික ගමගේ, සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන යන මහත්වරුන් මෙන්ම සෞඛ්‍ය හා ජනමාධ්‍ය අමාත්‍යාංශයේ නිලධාරීන්, රෝහල් පරිපාලකයන්, වෘත්තීය සමිති නියෝජිතයන් ඇතුළු පිරිසක් ද එක්වීමට නියමිතයි.
