“පොහොසත් රටක් ලස්සන ජීවිතයක්” ප්‍රතිපත්ති ප්‍රකාශය යථාර්ථයක් කිරීම උදෙසා හැටන් ප්‍රකාශනයට අනුව යමින් මලෛයගම් ප්‍රජාව මෙරටට පැමිණ වසර 200ක් සපිරුණු මොහොතේ නිවාස ප්‍රතිලාභය තහවුරු කිරීමේ අරමුණින් ඉන්දු ලංකා හතරවැනි අදියරේ නිවාස 10,000 වැඩ සටහනේ ප්‍රතිලාභීන් 2,000ක් සඳහා මෙම නිවාස හිමිකම්පත් ලබා දීම සිදු කෙරේ.
කඳුකර වතු ප්‍රදේශවල පදිංචිව සිටින මලෛයගම් ප්‍රජාවගේ ජීවන තත්ත්වය උසස් කිරීම මෙන්ම ආරක්ෂිත පරිසර හිතකාමී මූලික පහසුකම් සහිත නිවෙස් ලබා දීම, මෙම ව්‍යාපෘතියේ මූලික අරමුණවේ.
වතු සේවකයකු වීම (ලියාපදිංචි/විශ්‍රාමික/අනියම් කම්කරු), වසර 05ක නිවැරැදි වතු පදිංචිය, වතු සේවක සමුපකාර නිවාස සමිතියේ සාමාජිකත්වය, කලින් නිවාස අාධාර ලබා නොමැතිවීම, මේ වනවිට පදිංචිව සිටින්නේ ලයින් කාමරයක හෝ තාවකාලික නි‌ෙවසක වීම සහ එමෙන්ම දැනට පදිංචි ස්ථානයේ ආපදා බලපෑම් පවතින බවට ජාතික ගොඩනැඟිලි පර්යේෂණ ආයතනයේ (NBRO) වාර්තාව සැලකිල්ලට ගනිමින් මෙම නිවාස ලබාදීම සිදු කෙර්.
මෙම නිවාස ලබාදීමේදී පවුලේ ළමයින් ගණන, ආබාධිතයන්, වයස්ගත පදිංචිකරුවන්, බහු පවුල් ජීවත්වීම ආදියට ද අමතර ලකුණු ලබා දීම සිදු කෙරේ.
ඉන්දීය රජය මගින් මෙම එක් නිවසක් සඳහා රුපියල් ලක්ෂ 28ක මුදලක් වැය කරන අතර ශ්‍රී ලංකා රජය මගින් නි‌ෙවසේ යටිතල පහසුකම් සඳහා රුපියල් ලක්ෂ 04ක මුදලක් වැය කර ඇත.
මෙම නිවාස වැඩසටහන මගින් වතු කම්කරුවන්ගේ නිවාස අවශ්‍යතාව සම්පූර්ණ කිරීම පමණක් නොව පිරිසිදු ජලය, විදුලිය, සෞඛ්‍ය පහසුකම්, අධ්‍යාපනය මෙන්ම ජීවනෝපාය සංවර්ධනය, සමාජ ගෞරවය සහ විශ්වසනීය අනාගතයක අපේක්ෂාව ගොඩ නැ‍ඟීම ඇතුළු ජීවන තත්ත්වයේ උසස් වීම්ද සිදු වනු ඇත.
