ලෝක ළමා දින­යේදී දරු­වන්ගේ අනා­ගත සුබ­සි­ද්ධිය වෙනු­වෙන් මෙම අර්ථ­වත් තීන්දුව ගනු ලැබූ බව වෙළෙඳ, වාණිජ, ආහාර සුර­ක්ෂි­තතා සහ සමු­ප­කාර සංව­ර්ධන අමාත්‍ය වසන්ත සම­ර­සිංහ මහතා පැව­සීය.

ඒ මහතා මෙසේ පැව­සුවේ එම අමා­ත්‍යං­ශයේ ඊයේ (01) පැවැති මාධ්‍ය හමු­ව­කට එක් වෙමිනි.

දරු­වන්ගේ සෞඛ්‍ය­යට තර්ජ­න­යක් විය හැකි බිස්පෙ­නෝල් A (BPA) සහ තැලේට් (Phthalates) වැනි ශරී­ර­යට අහි­ත­කර රසා­ය­නික ද්‍රව්‍ය අඩංගු නිෂ්පා­දන වෙ‍ෙළ­ඳ­පො­ළට ඇතුළු වීම පාල­නය කර­මින්, සමස්ත පාරි­භෝ­ගික ප්‍රජා­වගේ ආර­ක්ෂාව තහ­වුරු කිරීම මෙහි අර­මු­ණයි.

2003 අංක 9 දරන පාරි­භෝ­ගික කට­යුතු පිළි­බඳ අධි­කා­රිය පනතේ 12 (1) වග­න්තිය යටතේ, දිය­ර­මය පාන රැගෙන යෑමට එක් වර­කට වඩා භාවිත කිරී­මට සුදුසු ප්ලාස්ටික් බෝතල් සඳහා වන ශ්‍රී ලංකා ප්‍රමිති පිරි­වි­ත­රය 888 – SLS 1616 හා ළද­රු­වන්ට ආහා­ර­පාන ලබා­දීම සඳහා ප්ලාස්ටික් ද්‍රව්‍ය­ව­ලින් සාදන ලද බෝතල් සඳහා වන ශ්‍රී ලංකා ප්‍රමිති පිරි­වි­ත­රය SLS 1306 අනි­වා­ර්යය කර­මින් විධාන නිකුත් කර තිබේ.

එම විධා­න­යට අනුව, දේශී­යව නිෂ්පා­ද­නය කරන ලද ඉහත සඳ­හන් භාණ්ඩ ශ්‍රී ලංකා ප්‍රමිති ආය­ත­නය (SLSI) විසින් නිකුත් කරන ලද SLS ලාංඡ­නය දැරිය යුතුය. එසේම ඉහත සඳ­හන් භාණ්ඩ ආන­ය­නය කරන අව­ස්ථා­වේදී ශ්‍රී ලංකා ප්‍රමිති ආය­ත­නය මඟින් පරීක්ෂා කර ශ්‍රී ලංකා ප්‍රමි­ති­යට අනු­කූල බව සහ­තික කර­ගත යුතු බව ද ඇමැති වසන්ත සම­ර­සිංහ මහතා පැව­සීය.

මෙම විධා­නය 2026 අප්‍රේල් 01 වැනි දින සිට බලා­ත්මක වේ. සිය­ලුම නිෂ්පා­ද­ක­යන්, ආන­ය­න­ක­රු­වන්, බෙදා­හ­රි­න්නන් සහ වෙළෙ­ඳුන් මෙම විධා­න­යට අනු­කූල විය යුතු ය. මෙම බලා­ත්මක කිරීමේ දින­යෙන් පසුව මෙම විධා­නය උල්ලං­ඝ­නය කිරීම පාරි­භෝ­ගික කට­යුතු පිළි­බඳ අධි­කා­රිය පනත යටතේ දඬු­වම් ලැබිය හැකි වර­දක් බව ද ඇමැ­ති­ව­රයා අව­ධා­ර­ණය කළේය.

මෙම ප්‍රමි­ති­යෙන් තොර ප්ලාස්ටි­ක්වල අඩංගු අහි­ත­කර රසා­යන ද්‍රව්‍ය දරු­වන්ගේ ආහා­ර­පාන සමඟ එක­තුවී ශරී­ර­ගත වීම හේතු­වෙන්, දරු­වන්ට හෝමෝන ගැටලු, පිළිකා, ප්‍රජ­නන පද්ධ­තිය හා සම්බන්ධ ගැටලු, මොළය හා වර්ධ­නය හා සම්බන්ධ ගැටලු සහ තවත් බෝ නොවන රෝග විශාල ප්‍රමා­ණ­යක් ඇති වීමට හේතු වන බව අනා­ව­ර­ණය වී ඇතැයි ද ඇමැ­ති­ව­රයා පෙන්වා දුන්නේය.

කුඩා දරු­වන් සහ පාසල් ළම­යින් බහු­ලව භාවිත කරන ප්ලාස්ටික් වතුර බෝතල් සහ ළද­රු­වන්ට ආහාර ලබා­දෙන බෝතල් ඇතුළු ඇසු­රුම් සම්බ­න්ධ­යෙන් පාරි­භෝ­ගික කට­යුතු පිළි­බඳ අධි­කා­රිය කරන ලද අධ්‍ය­ය­න­ව­ලින් හා රසා­ය­නා­ගාර පරී­ක්ෂ­ණ­ව­ලට අනුව ඒවායේ බිස්පෙ­නෝල් ඒ (BPA) හා තැලේට් (Phthalates) වැනි ශරී­ර­යට අහි­ත­කර රසා­ය­නික ද්‍රව්‍ය අනා­ර­ක්ෂිත මට්ට­ම්ව­ලින් පව­තින බව අනා­ව­ර­ණය වී ඇත.

මේ සම්බ­න්ධ­යෙන් සුදුසු ක්‍රියා­මාර්ග ගැනී­මට අධි­කා­රිය විසින් සෞඛ්‍ය අමා­ත්‍යාං­ශය, කැල­ණිය විශ්ව­වි­ද්‍යා­ලය, පේරා­දෙ­ණිය විශ්ව­වි­ද්‍යා­ලය, ශ්‍රී ලංකා ප්‍රමිති ආය­ත­නය, කාර්මික තාක්ෂණ ආය­ත­නය, බියුරෝ වෙරි­ටාස් ආය­ත­නය පර්යේ­ෂණ දත්ත ලබාදී ඇත. එසේම ආන­යන හා අප­න­යන පාලන දෙපා­ර්ත­මේ­න්තුව, පරි­සර අමා­ත්‍යාං­ශය, මධ්‍යම පරි­සර අධි­කා­රිය, පරි­සර සංවි­ධාන, වෙළෙඳ, වාණිජ, ආහාර සුර­ක්ෂිත සහ සමු­ප­කාර සංව­ර්ධන අමා­ත්‍යාං­ශය, කර්මාන්ත අමා­ත්‍යාං­ශය ඇතුළු නියා­මන ආය­තන හා විද්වත් පාර්ශ්ව සමඟ සිදු කළ සාක­ච්ජා­ව­ලදී ඔවුන් විසින් ඉදි­රි­පත් කරන ලද පර්යේ­ෂණ දත්ත මඟින් මෙම තොර­තුරු තහ­වුරු වී ඇත.

සිලි බෑග් නොමිලේ නිකුත් නොකළ යුතු බවට වූ විධා­නය සිලි බෑග් භාවි­ත­යෙන් පරි­ස­ර­යට, පාරි­භෝ­ගි­ක­යන්ගේ ජීවිත හා දේප­ළ­ව­ලට සිදු වන හානිය අවම කිරීමේ අර­මු­ණින් නිකුත් කරන බව ද ඇමැ­ති­ව­රයා පැව­සීය.

පාරි­භෝ­ගික කට­යුතු පිළි­බඳ අධි­කා­රිය විසින් මධ්‍යම පරි­සර අධි­කා­රිය, පරි­සර අමා­ත්‍යාං­ශය හා වෙළෙඳ, වාණිජ, ආහාර සුර­ක්ෂිත්තා සහ සමු­ප­කාර සංව­ර්ධන අමා­ත්‍යාං­ශය සමඟ දීර්ඝ වශ­යෙන් සාකච්ඡා කර නීති­ප­ති­ව­ර­යාගේ ද උප­දෙස් ඇතිව සිලි බෑග් සම්බ­න්ධ­යෙන් වූ විධා­නය ලබන නොවැ­ම්බර් 01 වැනිදා සිට බල­පැ­වැ­ත්වෙන පරිදි නිකුත් කරනු ඇත.