මෙම සියලුම පනත් මගින් සිදුකෙරෙන්නේ ඉඩම් රාජකාරි බව පැවසූ ඔහු එක පනතක් සකස් කිරීම මගින් ඉඩම් පරිහරණය පහසු වන බවද ඔහු පැවසුවේය.
ජාතික ඉඩම් පරිහරණ සැලැස්ම සකස් කිරීමට සමගාමීව අනෙකුත් ඉඩම් අණ පනත් ලිහිල්විය යුතු බවත්, එමෙන්ම, ඉඩම් පරිහරණ ප්‍රතිපත්ති සැලසුම් දෙපාර්තමේන්තුවට වැඩි බලතල දිය යුතු බවත් ඔහු කීවේය. එසේ නොවුණහොත් සිදුවන්නේ ඉඩම්වලට අදාළව අවසර ගැනීමේදී තවත් ආයතනයක් එකතුවීම පමණක් යැයිද ලේකම්වරයා කියා සිටියේය.
මුහුද ගොඩකර සකස් කරන ලද කොළඹ වරාය නගරයේ අයිතිය සම්බන්ධව දැනට වසර කීපයකට පෙරදී කතිකාවතක් පැවති බවත්, එය නිරවුල් කිරීම සඳහා අණ පනත් පරීක්ෂා කිරීමේදී “ආණ්ඩුකාරවරයාගේ නියමය මත මුහුද ගොඩකර සාදන ලද භූමිය රජය සතු වන්නේය.’’ යනුවෙන් බ්‍රිතාන්‍ය ජාතිකයින් විසින් ලියන ලද රජයේ ඉඩම් ආඥා පනතේ සඳහන්ව තිබූ බවද, ඒ අනුව එම ඉඩමේ අයිතිය තහවුරු කරගැනීමට හැකිවූ බවත් ලේකම්වරයා පැවසුවේය.
