මෙහි බරපතල ගැටලුව වන්නේ මේ කන්ටේනර් 02 වරායෙන් එළියට ආවේ කෙසේද යන්න බවත් ජාත්‍යන්තර බුද්ධි අංශ හරහා නිරතුරුවම අප රටේ කුඩු සහ කුඩු ව්‍යාප්තිය ගැන තොරතුරු ලබා දෙන බවත් මේ කන්ටේනර් 02 ගැනත් ජාත්‍යන්තර බුද්ධි අංශ අප රටට තොරතුරු දැනුම් දුන්නේද කියා දැන ගැනීමට අවශ්‍ය බව සජිත් ප්‍රේමදාස පවසනවා.
එම තොරතුරු ලැබුණු දිනයත් එම තොරතුරු සම්බන්ධයෙන් පරික්ෂණ කළ අය මෙන්ම එම පරීක්ෂණ පැවැත්වූ කාලවකවානුවත් මෙම පරික්ෂණවලින් පසුවත් මෙම කුඩු අමුද්‍රව්‍ය කන්ටේනර් දෙක නිදහස් වුවාද කියා දැන ගැනීමට අවශ්‍ය බවයි විපක්ෂ නායකවරයා පවසන්නේ.
විපක්ෂ නායකවරයා මේ බව කියා සිටියේ අද හිටපු පාර්ලිමේන්තු මන්ත්‍රීවරුන්ගේ සංසදය සමග විපක්ෂ නායක කාර්යාලෙය් පැවැති සාකච්ඡාවකදී.
මෙම කන්ටේනර් නිදහස් කළා නම් ඒ නිදහස් කිරීමේ ක්‍රියාවලියට හවුල් වූ පුද්ගලයන් සහ ආයතන සම්බන්ධ කරුණු පිළිබඳ සත්‍ය හෙළිදරව් කළ යුතු බවත් එය රජයේ වගකීම බවයි විපක්ෂ නායකවරයා කියා සිටියේ.
ජාත්‍යන්තර බුද්ධි අංශ මේ සම්බන්ධයෙන් දැනුවත් කළාට පසු එම කන්ටේනර් හදුනා ගෙන පරීක්ෂා කළාද කියා දැන ගැනීමට අවශ්‍ය බවත් මෙම කන්ටේනර් නිදහස් කිරීමට පදනම් වූ කරුණු මෙන්ම පසුගිය දා පරීක්ෂා නොකර එළියට දැමූ කන්ටේනර් 323ට මෙය අයත් ද කියා දැන ගැනීමට අවශ්‍ය බවද ඔහු පවසනවා.
එමෙන්ම මෙම කුඩු අමුද්‍රව්‍ය කන්ටේනර් නිදහස් විම ගැන සියලු තොරතුරු රටට හෙළිදරව් කළ යුතු බවත් මේ කුඩු කන්ටේනර් නිදහස් වීම තුළ ප්‍රශ්න සහගත කරුණු ගැන සත්‍ය හෙළිදරව් කළ යුතු බවයි ඔහු පවසන්නේ.
- hirunews
