එම පිළිකා බොහොමයක් කල් ඇතිව හඳුනා ගතහොත් සුව කිරීමට හැකියාව ඇති බවත් මවුපියන් මේ සම්බන්ධයෙන් වඩාත් සැලකිලිමත් විය යුතු බවත් හෙතෙම පවසයි.
තම දරුවාගේ අසාමාන්‍ය ඉදිමුමක්, කුද්දැටි ඉදිමුමක්, ඇසේ කළු ඉංගිරියාවේ සුදු පැහැති පෙන්වීමක්, උදේට උදේට හිසරදය සමග වමනය ඇති වීම වැනි රෝග ලක්ෂණ ඇත්නම් වහාම ළමා රෝග පිළිබඳ විශේෂඥ වෛද්‍යවරයකු වෙත දරුවා යොමු කිරීම වැඩිහිටියන්ගේ වගකීමක් බවත් වෛද්‍යවරයා කියයි.
රෝගීන් සඳහා රජයෙන් නොමිලේ ප්‍රතිකාර ලබා දෙන බවද, මහරගම අපේක්ෂා රෝහලේ ළමා පිළිකා රෝග අංශයට පැමිණ ප්‍රතිකාර කරගත හැකි බවද හෙතෙම පවසයි.
ලංකාවේ බහුලව වාර්ථා වන ළමා පිළිකා අතර ලේ පිළිකාව හෙවත් ලියුකේමියාව, වසා ගැටිති ආශ්‍රිත පිළිකා, අස්ථි පිළිකා, ඇස ආශ්‍රිත පිළිකා දැක්විය හැකි බවද වෛදවරයා වැඩිදුරටත් කියයි.
