හිටපු ජනාධිපතිවරයා මෙලෙස මූල්‍ය අපරාධ විමර්ශන කොට්ඨාසය වෙත කැඳවීමක් සිදුකර තිබුණේ ඔහුගේ බිරිඳ වන මහාචාර්ය මෛත්‍රී වික්‍රමසිංහ මහත්මියගේ උපාධි ප්‍රදාන උත්සවයක් සඳහා සහභාගි වීමට ලන්ඩනයට යාම සම්බන්ධයෙන් වන විමර්ශනයකට අදාළවය.
රනිල් වික්‍රමසිංහ මහතා ජනාධිපතිවරයා ලෙස කටයුතු කරන සමයේදී ඇමරිකා එක්සත් ජනපදයේ පැවැති රාජ්‍ය නායක සමුළුවකට සහභාගි වී තවත් පුදුගලයන් දස දෙනෙකු සමඟ ලන්ඩන් නුවර ගොස් නැවත මෙරටට පැමිණීමේදී මෙම රාජ්‍ය මුදල් රුපියල් ලක්ෂ 170 කට ආසන්න මුදලක් අවභාවිතාව සිදුව තිබෙන බවට චෝදනා එල්ල විය.
මෙම සිද්ධිය සම්බන්ධයෙන් මීට පෙර හිටපු ජනාධිපති ලේකම් සමන් ඒකනායක සහ හිටපු ජනාධිපතිවරයාගේ පුද්ගලික ලේකම් සැන්ඩ්‍රො පෙරේරාගෙන්ද ප්‍රකාශ ලබාගෙන තිබුණි.
මේ අතර හිටපු ජනාධිපතිවරයා අද දින අත්අඩංගුවට ගෙන රිමාන්ඩ් බන්ධනාගාර ගත කිරීම නියත වශයෙන්ම සිදු වන බවට පසුගියදා යූටියබ් කරුවකු වන සුදන්ත තිලකසිරි නොහොත් සුදා නැමැති අය පවසා තිබීම ආන්දෝලනයකට තුඩුව තිබිණි. .
