පසුගිය එකොළොස් වැනි දින මෙම ලිපිය යොමු කර ඇති මැතිවරණ කොමසාරිස්වරයා එහිදී සඳහන් කරනුයේ වියළි ආහාර, මුදල් ආධාර, ද්‍රව්‍ය මලු බෙදාදීම වැනි රාජ්‍ය දේපළ අයථා ලෙස භාවිතය පිළිබඳව නොයෙක් ආයතන සහ පුද්ගලයන් තමා දැනුවත් කර ඇති බවය.
එහිදී අදාළ ක්‍රියා සම්බන්ධයෙන් වීඩියෝ සහ හඬ පට ද තමන් වෙත ලැබී ඇතැයි සඳහන් කරන ඒ මහතා මේවා ඉහත සඳහන් කළ අධිකරණ ක්‍රියාවලියක දී අධිකරණයට ඉදිරිපත් කිරිමට සිදුවන බව ද කියා සිටී.
මැතිවරණය අවසන් වූ වහාම මැතිවරණ දූෂණයන් සම්බන්ධයෙන් අධිකරණය ඉදිරියට යෑමට බලාපොරොත්තු වන්නේ නැත්දැයි පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතාගෙන් කළ විමසීමේ දී ඒ මහතා පැවසුවේ එවැනි අදහසක් දැනට තිබෙන බවය.
තමන් සතුව තිබෙන තොරතුරුවල සත්‍ය අසත්‍යතාව නැවත සලකා බලා තමන් එවැනි තීරණයක් ගන්නා බව ද ඔහු ප්‍රකාශ කළේ ය. යම් පුද්ගලයකු හෝ ආයතනයක් එවැනි විශ්වසනීය තොරතුරු තමන් වෙත ඉදිරිපත් කරන්නේ නම් රටේ ප්‍රජාතන්ත්‍රවාදයට පූර්වාදර්ශයක් ලෙස සලකා තමන් එම පියවර වෙත යොමු වන බවත් ඔහු කියයි.
මෙම ලිපිය සහ යම් පුද්ගලයකු අධිකරණය වෙත යොමු වුවහොත් එහිදී සාක්ෂි ලබා දෙන්නේ දැයි මැතිවරණ කොමසාරිස් මහින්ද දේශප්‍රිය මහතාගෙන් විමසීමේ දී ඒ මහතා ප්‍රකාශ කළේ තමන් අනිවාර්යයෙන් ම තමන් සතු සාක්ෂි අධිකරණය වෙත යොමු කරන බවය.
තමන්ද පාර්ශවකරුවකු ලෙස නම්කර මැතිවරණ නීති උල්ලංඝනය කිරීම් පිළිබඳව කිසියම් ආයතනයක් හෝ පුද්ලගයෙකු අධිකරණය ඉදිරියට ගියහොත් තමන් වෙත ලැබී තිබෙන සාක්ෂි අධිකරණයට ඉදිරිපත් කරන බවත් එවැනි ක්‍රියා පළාත් සභා ඡන්ද විමසීම් පනත යටතේ මැතිවරණ දූෂණ ක්‍රියා ලෙස සලකන බැවින් අධිකරණය අදාළ විභාගය සිදුකළ විට අදාළ අපේක්ෂකයන් අසුනකට තේරී පත්වුවත් ඔහුගේ අසුන අහිමි විය හැකි බව සුසිල් ප්‍රෙම්ජයන්ත්, ඩලස් අලහප්පෙරුම, මෛත්‍රිපාල සිරිසේන යන අමාත්‍යවරුන්ට මැතිවරණ කොමසාරිස්වරයා ලිපියක් යවමින් ප්‍රකාශ කර ඇත.
Leave a comment
