මේ  සම්බන්ධයෙන් මාධ්‍ය දැනුවත් කිරීමට අදාල මාධ්‍ය සාකච්ඡාවක් ඊයේ (06) දින බලශක්ති අමාත්‍යංශයේ ලේකම් මහාචාර්ය උදයංග හේමපාල මහතා සහ විදුලි බල ක්ෂේත්‍ර ප්‍රතිසංස්කරණ කාර්යංශයේ අධ්‍යක්ෂ ජනරාල් විදුලි ඉංජිනේරු පුබුදු නිරෝෂණ හැඩිගල්ලගේ යන මහත්වරුන්ගේ ප්‍රධානත්වයෙන් කොළඹදී පැවැත්විණි.

එහිදී  මෙම පනත සංශෝධනය කිරීමට අදාලව සංකල්ප පත්‍රිකාවක් මේ වන විට ඉදිරිපත් කර ඇති අතර, එම සංකල්ප පත්‍රිකාව http://powermin.gov.lk යන වෙබ් අඩවිය ඔස්සේ මහජනතාවට පරිශීලනය කිරීමේ හැකියාවද පවතී. තවද, මේ සඳහා මහජනතාවගේ ලිඛිත අදහස් පෙබරවාරි මස 14 දින හෝ ඊට ප්‍රථම අංක 437, ගාලු පාර, කොළඹ 03 යන ලිපිනයේ පිහිටා ඇති බලශක්ති අමාත්‍යංශය වෙත පැමිණ හෝ තැපැල් මගින් යොමු කල හැකි බවත් එසේම, මේ සම්බන්ධයෙන්වන ඔබගේ අදහස් This email address is being protected from spambots. You need JavaScript enabled to view it. යන විද්‍යුත් ලිපිනය වෙත යොමු කිරීමටද හැකියාව පවතින බවත් දැනුම දෙන ලදී.‍

නව රජයේ බලශක්ති ප්‍රතිපත්තියට අනුව, ඉදිරි වසර පහක කාලය පුරාවට මෙන්ම ඉන් ඉදිරියටත් බලශක්ති ක්ෂේත්‍රයේ සිදු වීමට නියමිත වෙනස්කම් රටට අවශ්‍ය හා හිතකර ලෙස මෙන්ම, මහජනතාවගේ මෙන්ම පාර්ශවකරුවන් හා මේ සම්බන්ධයෙන් උනන්දුවක් දක්වන සියලුදෙනාගේ අදහස් ලබාගනිමින් මෙම පනත සංශෝධනය කිරීම වත්මන් රජයේ අරමුණ වී ඇති බවත් පැවැසිනි.