නළ ජලය පිරිපහදු කිරීමට භාවිත කරන ක්‍රමවේදයක් හරහා මෙම අවදානම මතුව ඇති බවත් ඊට යොදා ගන්නා Hydratedlime නම් අංගය සහිත කන්ටේනර් 27ක් පමණ මෙරටට ගෙනැවිත් ඇති බවද ඩී.වී. චානක මන්ත්‍රිවරයා පැවැසීය.
පාර්ලිමේන්තු මන්ත්‍රීවරයා පවසා සිටින්නේ නළ ජලය පිරිපහදු කරන ප්‍රධාන ස්ථාන 3ක් වන රත්මලාන, ගාල්ල, අඹතලේ යන ප්‍රදේශවල මෙම ජලය පිරිපහදු කිරීමේදී ගයිඩ් ලයින්ස් තිබෙන බවත් ය
වැඩිදුරටත් පැවසූ මන්ත්‍රීවරයා
''මූල ද්‍රව්‍ය මොනවද සංඝටක මොනවද කියන දේ අපි බලනවා. ඒ සංඝටකවලට අනුව පිරිපහදු කිරීමේ කාර්යයේදී ලෙඩ් තියෙන්න පුළුවන් කිලෝග්‍රෑම් එකකට මිලිග්‍රෑම්10යි. ඒ වගේම ක්‍රොමියම් තියෙන්න පුළුවන් මිලිග්‍රෑම් 10යි. කිලෝග්‍රෑමයකට මේ ක්‍රොමියම් ප්‍රතිශතය වැඩි වුණොත් පිළිකා හැදෙන්න පුළුවන්. වකුගඩු රෝග හැදෙන්න පුළුවන්. දැන් මේ ක්‍රියාවලිය හරහා ක්‍රොමියම් කන්ටෙන්ට් එක මිලිග්‍රෑම් 14 ක් වනවා. ඒ ඉතාම දරුණු තත්ත්වයක්.
මේ කන්ටේනර් රත්මලාන, අඹතලේ, ගාල්ලේ හැමතැනටම ගිහින්. ඉක්මනට මේක නවත්වන්න. මෙතන යන්නේ ජාවාරමක්. කවුද මේවායින් සල්ලි හොයන්නේ''
