මෙම සිද්ධිය පිළිබඳව හෙළි වීමෙන් පසුව ජාතික ඒකාබද්ධතා නියෝජ්‍ය අමාත්‍ය මුනිර් මවුලර් සහ පාර්ලිමේන්තු මන්ත්‍රී රුවන්මාපලගම යන මහත්වරුන් ප්‍රමුඛ කණ්ඩායමක් මේ සම්බන්ධයෙන් කළ නිරීක්ෂණයෙදී මේ බව හෙළි විය.
වේයන්ගොඩ දිසා ආහාර ගබඩාව තුළ තිබී හමුවු මෙම ආහාර ද්‍රව්‍ය මේ වන විට මිනිස් පරිභෝජනයට නුසුදුසු තත්ත්වයෙන් පවතින බව පෙනී යන නිසා ඒ සම්බන්ධයෙන් නිසි පියවර ගන්නා බව මහජන නියෝජිතයෝ මෙහිදී සඳහන් කළහ.
2023 වසරේ මෙම ගබඩාවට ගෙන එන ලද මෙම ආහාර ද්‍රව්‍ය වලින් යම්කිසි ප්‍රමාණයක් ඒ ඒ අවස්ථාවන්හි දී පාසල් සිසුන් හා ජනතාව අතර බෙදා දීමට පියවර ගෙන ඇතැයිද පාසල් නිවාඩු කාලය එළඹීමෙන් පසු ආහාර ද්‍රව්‍ය බෙදා හැරීම වැළකී ඇති බවද මෙහි දී නිලධාරීන් මන්ත්‍රීවරුන්ට දැනුම් දුන්හ. මිනිස් පරිභෝජනයට නුසුදුසු සහල් පරිප්පු සහ රට ඉඳි කිලෝ මෙට්‍රික් ටොන් 1556 ක් මේ වන විට ගබඩාවේ පවතින බව නියෝජ්‍ය ඇමතිවරයා හා මන්ත්‍රීවරයා ලේඛන පරීක්ෂා කිරීමේදී අනාවරණය කරගනු ලැබීය.
කෙසේ නමුත් මෙය ආහාර දිළිඳු පවුල් සහ පාසල් දරුවන්ට බෙදාදීම සම්බන්ධයෙන් වගකීම පැවැරී තිබු රාජ්‍ය නිලධාරීන්ගේ වගකීම් විරහිතභාවය නිසා සිදුව තිබෙන අපරාධයක් බව පැහැදිලිය. ලෝක ආහාර වැඩසටහන, වෙනත් සංවිධාන සහ රාජ්‍යයන්ගේ පසුගිය ආණ්ඩු සමයේදී මෙරට ජනතතාව මුහුණ දුන් පෝෂණ හා ආහාර ගැටලුවට විසඳාගැනීමට සහය ලබා ගැනීම සිදු වූූවද රාජ්‍ය නිලධාරීන් තමන්ගේ වගකීම් ඉටු නොකර පැහැර හැරීම මත පීඩාවට පත් වූයේ අසරණ ජනතාවය.
