මහා පරිමාණ සහල් මෝල් හිමියන්ට අවශ්‍ය පරිදි සහල් මිල තීරණය කර ගැනීමට ආණ්ඩුව වී මිල සහතික කරන්නේ නැතිව එය ප්‍රමාද කරන්නේද යන ප්‍රශ්නය මතුවන බව ත් මේ අනුව මෙම ක්‍රියාවලිය තුළ යම් කුමන්ත්‍රණයක් තිබෙන බව ත් සැකයක් තිබෙන්නේ යැයි පාර්ලිමේන්තු මන්ත්‍රිවරයා කීවේය.
නැගෙනහිර පළාත් ප්‍රදේශවල වී අස්වැන්න නෙළීමෙන් පසු ගොවියන් වී විකිණීම ආරම්භ කර ඇති බව ත් වී සඳහා සහතික මිලක් දීමට කටයුතු කරන්නේ වී අස්වැන්න විකුණා අවසන් වීමට පසුවද යන්න ආණ්ඩුවෙන් අහන බව ත් මන්ත්‍රිවරයා කීවේය.
මේ නිසා වී මාෆියාවට අවශ්‍ය පරිදි සහල් මිල තීරණය කර ගැනීමේ ක්‍රමවේදයක ආණ්ඩුව නිරතවන බව පැහැදිලි යැයි ඔහු කීය.
රටේ බොහෝ ප්‍රදේශවල රතු කැකුළු, සුදු කැකුළු සහල්වල හිඟයක් තිබෙන බවත් සහල් වෙළෙඳපොළ තුළ තිබුණත් රුපියල් 300ට වැඩි බව ත් රතු සම්බා සහල් කිලෝවක් රුපියල් 320ක් යැයි ඔහු කීය.
මේ අනුව සහල් හිඟය හේතුවෙන් විශාල අර්බුදයක් රට තුළ නිර්මාණය වී ඇති බව ඔහු වැඩිදුරට ත් සඳහන් කළේ ය.
-මව්බිම
