2014 වසරේ දී රුපියල් මිලියන 6.1ක මුදලක් අවභාවිත කිරීමේ චෝදනාව මත ඔහු අත්අඩංගුවට ගෙන ඇති බවයි පොලිස් මාධ්‍ය ප්‍රකාශක බුද්ධික මනතුංග සඳහන් කළේ.
පොලිස් මාධ්‍ය ප්‍රකාශකවරයා සඳහන් කළේ, බිංගිරිය සහ නාරම්මල ප්‍රදේශවල ගංවතුරෙන් විපතට පත් ජනතාවට ආධාර ලබාදීමේ මුවාවෙන් ලංකා ඛනිජ තෙල් නීතිගත සංස්ථාව හරහා මෙම මුදල් ලබාගෙන ඇති බවයි. කෙසේ වෙතත්, එම මුදල් 2015 වසරේ ජනාධිපතිවරණ ප්‍රචාරක කටයුතු සඳහා යොදාගෙන ඇති බවටයි චෝදනා එල්ල වී ඇත්තේ.
නීතිපතිවරයාගේ උපදෙස් මත මෙම අත්අඩංගුවට ගැනීම සිදු කර ඇති අතර, සැකකරුවන් අද (23) කොළඹ මහේස්ත්‍රාත් අධිකරණයට ඉදිරිපත් කිරීමට නියමිතයි.
අපරාධ පරීක්ෂණ දෙපාර්තමේන්තුව විසින් අත් අඩංගුවට ගත් හිටපු අමාත්‍ය අනුර ප්‍රියදර්ශන යාපා මහතා ඇතුළු සැකකරුවන් සිව්දෙනා ඇපමත මුදා හැරීමට කොළඹ මහෙස්ත්‍රාත් අධිකරණය නියම කළේය.
දීර්ඝ කරුණු සලකා බැලීමකින් අනතුරුව කොළඹ අතිරේක මෙහෙස්ත්‍රාත් හර්ෂණ කැකුණවල මහතා මෙම නියෝගය නිකුත් කර තිබේ.
