රෝහලේ 2 වාට්ටුවේ සිටි රෝගියකු ඊයේ (15 වැනිදා) උදෑසන එහි ආපන ශාලාවට ගොස් බත් එකක් රැගෙන අනුභව කරමින් සිටියදී මෙම තැම්බුණු හූනා දැක තිබේ.
එම රෝගියා ඒ පිළිබඳ රෝහල් මහජන සෞඛ්‍ය පරීක්ෂකවරයාට පැමිණිලි කර ඇති අතර රෝහල් අධ්‍යක්ෂ ජානක සෝමරත්නටද සිද්ධිය වාර්තා කර තිබේ.
මේ වන විට රෝහලේ කාර්ය මණ්ඩලය හා රෝගීන් විශාල ප්‍රමාණයක් මෙම ආහාර අනුභව කර ඇති බවද හෙළි වී තිබූ අතර සිද්ධිය පිළිබඳව රෝහල් මහජන සෞඛ්‍ය පරීක්ෂක ටී.බී.අයි.වෑකඩපොළගෙන් විමසීමේදී ඔහු ප්‍රකාශ කළේ මෙම සිද්ධිය පිළිබඳ තමාට කිසිවක් කිව නොහැකි බවය.
නාවලපිටිය මහජන සෞඛ්‍ය පරික්ෂක නුවන් කැකුළන්දරද මෙම සිද්ධිය පරීක්ෂා කර ඇති අතර රෝහල් අධ්‍යක්ෂවරයාගෙන් මේ පිළිබඳව විමසීමට රෝහල් දුරකථන හුවමාරුව වෙත ගනු ලැබූවද එම ස්ථානයෙන් අධ්‍යක්ෂවරයා වෙත එම ඇමතුම ලබාදිය නොහැකි බව පැවසීය.
පසුව රෝහල් අධ්‍යක්ෂවරයාගේ ජංගම දුරකථනයට ඇමතුම් ගනු ලැබූවද ඒ සඳහා ප්‍රතිචාර නොලැබිණි.
- අරුණ
