පිළියන්දල, තුම්බෝවිල ප්‍රදේශයේ පදිංචි 53 හැවිරිදි පුද්ගලයකු එලෙස අත්අඩංගුවට ගෙන තිබිණි.
මෙම පුද්ගලයා ඊයේ උදෑසන පිළියන්දල, ජාලියගොඩ හන්දියට කඩුවක් අතැතිව පැමිණ අසල්වාසීන්ට පරුෂ වචන කියමින් කලහකාරීව හැසිරී තිබේ.
එම පුද්ගලයාට අවට සිටි පිරිස පරුෂ වචන නොකියන ලෙසට දැනුම් දී ඇති අතර ඊට උරණ වූ පුද්ගලයා අසල නවතා තිබූ ලොරි රථයකට නැග ජනාධිපතිවරයා හමුවීමට අවශ්‍ය බවත්, එසේ නොවන්නේ නම් සිය බෙල්ල කපාගෙන සියදිවි හානිකර ගන්නා බවත් පවසා ඇත. අදාළ ස්ථානයට පැමිණි පිළියන්දල පොලිසියේ නිලධාරින් පිරිසක් මැදිහත් වී තත්ත්වය පාලනය කර එම පුද්ගලයා ලොරි රථයෙන් බස්සවා කඩුව පොලිස් භාරයට ගෙන තිබේ. එම පුද්ගලයා යම් මානසික රෝගයකින් පෙළෙන අයකු බව අනාවරණ වීම නිසා සුවසැරිය ගිලන් රථයකින් ප්‍රතිකාර සඳහා කළුබෝවිල ශික්ෂණ රෝහලට ඇතුළත් කර ඇත.
මෙම සිද්ධිය පිළිබඳ පිළියන්දල පොලිසිය වැඩිදුර විමර්ශන පවත්වයි
