මෙරට මිලියන 22 වන ජනගහනය අවම වශයෙන් ඉතුරුම් ගිණුම් හෝ කුමන ආකාරයේ ගිණුම් මිලියන 16 ක් බැංකු, මූල්‍ය ආයතනවල පවත්වාගෙන යන්නේය.
බැංකු පොලිය මත අයකරන 5% ක රඳවා ගැනීමේ බද්ද ඉකුත් වසරේ (2023) සිට බැංකු ගිණුම්වලින් කපා ගන්නේය.
මෙම බද්ද පැනවූ මුල් කාලසීමාවේදී විශාල බදු මුදලක් දේශීය ආදායම් දෙපාර්තමේන්තුවට ලැබුණද මේ වසරේ (2024) අග වන විටදී එම ආදායම අඩකින් පමණ අඩුවී ඇතැයි අනාවරණය වේ.
ඊට හේතුවී ඇත්තේ බැංකු පොලියෙන් අය කරන මෙම බද්ද නිසා බොහෝ දෙනකු සිය බැංකු ගිණුම්වල මුදල් තැන්පත් නොකිරීමය.
මෙලෙස බැංකු පොලිය මත අය කරන බද්ද ඉහළ දැමීම නිසා බැංකු පද්ධතිය කඩා වැටීමේ අවදානමක් පවතින බවද ආර්ථික විශ්ලේෂකයෝ පවසති.
මේ අතර මහනුවරදී මාධ්‍යට අදහස් දක්වමින් පාර්ලිමේන්තු මන්ත්‍රිනී රෝහිණී කවිරත්න ප්‍රකාශ කළේ
ආණ්ඩුව විසින් ප්‍රකාශයට පත් කර ඇති බදු සංශෝධන මගින් උපයන විට ගෙවීමේ බද්ද (PayE tax) ගෙවූ 121,000කට සහන ලබා දී, ස්ථීර සහ ඉතිරිකිරීමේ ගිණුම් ලක්ෂ 161 කට බලපාන පරිදි රැඳවුම් බද්ද සියයට 5 කින් ඉහළ දමා ඇස්බැන්දුමකින් රටම රවටා ඇති බවය.
එම නිසා වත්මන් රජය ජනතාවට ලබා දුන් පොරොන්දු කඩ කරමින් දිනෙන් දින ජනතාව ආර්ථික වශයෙන් සිරකරුවෝ කිරීමට ගන්නා උත්සාහය පරාජය කළ යුතු බවද ඇය සඳහන් කළාය.
