මෙම තත්ත්වය මත ඉදිරියේදි රෝගීන්ට ප්‍රතිකාර කිරීමේදි ගැටලු රැසකට මුහුණු දීමට සිදුවන බවද රෝහල් බලධාරිහු පෙන්වා දුන්හ.
මේ අතර නිර්වින්දන විශේෂඥ වෛද්‍යවරුන්ගේ දැඩි හිඟයක් පවතින බවද පැවසේ.
2025 වසර වන විට මෙරට රෝහල් සඳහා විශේෂඥ වෛද්‍යවරුන් තුන්දහස් පන්සියයකගේ පමණ අවශ්‍යතාවක් ඇති බවට සෞඛ්‍ය අමාත්‍යාංශය තීරණය කර තිබුණද එම පුරප්පාඩු පිරවිමට විශේෂඥ වෛද්‍යවරු නොමැති බව රජයේ විශේෂඥ වෛද්‍යවරුන්ගේ සංගමය අවධාරණය කරයි.
එම සංගමයේ මාධ්‍ය ප්‍රකාශක විශේෂඥ වෛද්‍ය අශෝක ගුණරත්න ප්‍රකාශ කළේ විශේෂඥ වෛද්‍යවරුන් පුහුණුව සඳහා විදෙස් ගතවූ පසු නැවත මෙරටට නොපැමිණීම විශේෂඥ වෛද්‍යවරු හිඟ වීමට ප්‍රධාන වශයෙන් බලපා ඇති බවයි.
එසේම විශේෂඥ වෛද්‍යවරුන් ලෙස පුහුණුවීම සඳහා වෛද්‍යවරුන්ගේ උනන්දුව අඩුවීමද මෙම තත්ත්වයට හේතුවී ඇති බව හෙතෙම සඳහන් කළේය.
-p.m
