එමෙන්ම ඉකුත් සති කිහිපයේ වෙළෙඳපොළේ පාලන මිල ඉක්මවා සහල් මිල ගණන් ඉහළ ගිය අතර නාඩු සහල්වල හිඟයක් ද පැවතුණි.
ඒ අනුව ජනාධිපතිවරයා ඔක්තෝබර් 24 වනදා මහා පරිමාණ සහල් නිෂ්පාදකයින් කැඳවා පාලන මිලට සහල් අලෙවිකරන ලෙස දැනුම් දුන් අතර, ඔවුන්ද එහිදී ඊට එකඟතාව පළකළේය.
එමෙන්ම රට තුළ පවතින වී සහ සහල් තොග පිළිබඳ දත්ත වාර්තාවක් වහාම ඉදිරිපත් කරන ලෙස ජනපතිවරයා දුන් උපදෙස් අනුව පාරිභෝගික අධිකාරිය සැකසූ වාර්තාවද ඉකුත් නොවැම්බර් 06 වනදා ජනාධිපතිවරයා වෙත භාර දෙනු ලැබීය.
එහෙත් තවමත් වෙළෙඳපොළේ ඇතැම් සහල් වර්ගවල හිඟයක් පවතින බවත්, තිබෙන සහල් පාලන මිලට වඩා වැඩි මිලට අලෙවි කෙරෙන බවත් ජනතාව සහ වෙ‍ෙළඳුන් පවසයි.
කෙසේවෙතත් රට තුළ වී සහ සහල් තොග පිළිබඳව ලබාගත් වාර්තාවට අනුව ප්‍රමාණවත් තරම් නාඩු සහල් පවතින බව වෙළෙඳ අමාත්‍යංශ ලේකම් එම්.එම්. නයිමුදීන් පවසයි.
මිල වැඩිකිරීමේ අරමුණින් ඇතැම් මෝල් හිමියන් කෘත්‍රිමව සහල් හිඟයක් මවාපෑමට කටයුතු කර ඇති බවත්, ඉදිරි දින කිහිපය තුළ මීට විසඳුම් ලබා දෙන බවත් අමාත්‍යංශ ලේකම්වරයා සඳහන් කළේය.
-p.m
