මාධ්‍යවේදීන් සඳහාද සහනදායී මුදලට යතුරුපැදි ලබා දිමට කටයුතු කරන්නැයි අනුරාධපුර රජරට මාධ්‍යවේදීන්ගේ සංගමය ඉල්ලීමක් කර ඇත.මේවන විට ද රාජ්‍ය සේවයේ නියුතු ක්ෂේත්‍ර නිලධාරීන් සදහා රුපියල් හතළිස් පන්දහසක පමණ සහනදායී මුදලකට රජය මගින් යතුරු පැදි ප්‍රදානය කිරිමට පියවරගෙන ඇත.එහෙයින් එම වැඩසටහන යටතේ මාධ්‍යව්දින් සඳහාද යතුරු ලබා දෙන මෙන් ඉල්ලීමක් ඉදිරිපත් කර සිටීයි. අනුරාධපුර ශ්‍රි සම්බුද්ධ ජයන්ති විහාරස්ථානයේදි ඊයේ(13) පෙරවරුවේ පැවති රජරට මාධ්‍යවේදීන්ගේ සංගමයේ මාසික රැස්වීමේදි මේ පිළිබඳ යෝජනාව මාධ්‍යවේදිනියක විසින් සභාවට ඉදිරිපත් කර තිබේ.
මාධ්‍යවේදින්ට සිය කටයුතු සිදු කර ගැනිමේදී ප්‍රවාහන පහසුකම් ගැටලු රැසකට මුහුණ පෑමට සිදුවන බැවින් මෙම යෝජනාව ඉදිරිපත් කර තිබේ. එසේම විශේෂයෙන් රජරට පළාතේ මාධ්‍යවේදීන් නොයෙක් අපහසුතා මැද සිය වගකීම නොපිරි හෙලා ඉටුකරමින් ජනතා සේවයේ නියැලෙන අතර මෙවැනි සහනදායී මුදලකට යතුරුපැදි ලබා දීමට කටයුතු කරන්නේ නම් එය මාධ්‍යවේදීන්හට විශාල අස්වැසිල්ලක් වනු ඇතැයිද සඳහන්ය.
