කොළඹ ජාත්‍යන්තර පාසලක පාසල් දරුවන්ට ගංජා බෙදාහරින පෞද්ගලික ආරක්ෂක සේවාවක නිලධාරියෙකු ගංජා ග්‍රෑම් තිස් පහක් සමගින් ඊයේ (12) දහවල් සුරාබදු විශේෂ මෙහෙයුම් ඒකකයේ නිලධාරීන් අත්අඩංගුවට ගෙන ඇත.අදාළ ආරක්ෂක නිලධාරියා තිස්සමහරාම ප්‍රදේශයේ පදිංචි තිස් දෙහැවිරිදි අයෙකු බව සුරාබදු විශේෂ මෙහෙයුම් ඒකකයේ අධිකාරි රොහාන් විජේරත්න මහතා පවසයි. අදාළ ආරක්ෂක නිලධාරියා මාස දෙකකට වැඩි කාලයක් තිස්සේ මෙම ජාත්‍යන්තර පාසලේ දරු දැරියන් හට කංසා අලෙවි කොට ඇතැයි සුරාබදු නිලධාරීහු පවසති.
අත්අඩංගුවට ගත් සැකකරු ඊයේ(12) මාලිගාකන්ද මහේස්ත්‍රාත් අධිකරණය වෙත ඉදිරිපත් කිරීමෙන් පසු මහේස්ත්‍රාත්වරයා විසින් රක්ෂිත බන්ධනාගාර ගත කරන ලදී.
සුරාබදු කොමසාරිස් ජනරාල් වසන්ත හපුආරච්චි මහතාගේ උපදෙස් මත සුරාබදු විශේෂ මෙහෙයුම් ඒකකයේ අධිකාරී රොහාන් විජේරත්න ස්ථානාධිපති නන්දන පෙරේරා, පරීක්ෂක ගැමුණු කුමාරගේ, සැරයන් මේජර් ලක්මාල් බණ්ඩාර යන මහත්වරු ඇතුළු නිලධාරීන් මෙම වැටලීම සිදුකළහ.
