සැප්තැම්බර් 21 වැනිදා පැවති ජනාධිපතිවරණයෙන් දිසානායක මහතා ජයග්‍රහණය කිරීමෙන් පසු ඔහු හමුවීමට පැමිණි පළමු ඉහළ පෙළේ විදේශීය ප්‍රභූවරයා වන්නේ ජයිශංකර්ය.
ඉන්දීය මහ කොමසාරිස් කාර්යාලය නිවේදනයක් නිකුත් කරමින් කියා සිටියේ ඉන්දියාවේ අසල්වැසි පළමු ප්‍රතිපත්තිය සහ සාගර් ඉදිරි දැක්මට අනුකූලව, අන්‍යෝන්‍ය ප්‍රතිලාභ සඳහා දිගුකාලීන හවුල්කාරිත්වය තවදුරටත් ගැඹුරු කිරීමට දෙරටේ හවුල් කැපවීම ජයිශංකර්ගේ සංචාරය අවධාරණය කරන බවයි.
මෙම සංචාරයේදී ජයිශංකර් ශ්‍රී ලංකාවේ ඉන්දීය අරමුදල් සපයන ව්‍යාපෘති සහ එහි ඉදිරි ගමන පිළිබඳව ද සාකච්ඡා කිරීමට බලාපොරොත්තු වන බව ආරංචි මාර්ග සඳහන් කරයි. ශ්‍රී ලංකාවේ නව නායකත්වයන් සමඟ සාමාන්‍යය සම්ප්‍රදාය අනුව සුහද සාකච්ඡා සඳහා නවදිල්ලි නුවරට ආරාධනා කිරීම සිදු වේ.
දිසානායක මහතා මෙම ආරාධනය පිළිගෙන පෙර ජනාධිපතිවරුන්ගේ මෙම සම්ප්‍රදාය රකිනු ඇති බව දැනගන්නට ඇත.
දින නියම කර නැතත් ජනාධිපතිවරයාගේ පළමු විදෙස් සංචාරය නොවැම්බර් 14 පාර්ලිමේන්තු මැතිවරණය අවසන් වීමෙන් පසුවය.
