රජයේ පනත් 146 ක් සහ පෞද්ගලික මන්ත්‍රී පනත් 21ක් ලෙස අදාළ පනත් 167 සම්මතවී ඇත.
ශ්‍රී ලංකා පාර්ලිමේන්තුවේ, අධ්‍යක්ෂ ව්‍යවස්ථාදායක සේවා / අධ්‍යක්ෂ සන්නිවේදන (වැඩබලන) එම්. ජයලත් පෙරේරා මහතා නිවේදනයක් නිකුත් කරමින් මේ බව දැනුම්දී තිබේ.
| වර්ෂය | රජයේ පනත් | පෞ. මන්ත්‍රී පනත් |
| 2020 | 07 | 00 |
| 2021 | 30 | 00 |
| 2022 | 44 | 02 |
| 2023 | 29 | 05 |
| 2024 | 36 | 14 |
| මුළු ගණන | 146 | 21 |
මෙලෙස සම්මතවූ පනත් අතරින් විශේෂ පනත් කිහිපයක් පහතින් දැක්වෙයි.
*2023 අංක 3 දරන මැතිවරණ වියදම් නියාමන පනත.
*2023 අංක 6 දරන පාර්ලිමේන්තු අයවැය කාර්යාලය පනත.
*2023 අංක 9 දරන දූෂණ විරෝධී පනත.
*2023 අංක 16 දරන ශ්‍රී ලංකා මහ බැංකු පනත.
*2023 අංක 21 දරන මැතිවරණ (විශේෂ විධිවිධාන) පනත.
*2023 අංක 28 දරන දූෂණ විරෝධී (සංශෝධන) පනත.
*2024 අංක 9 දරන මාර්ගගත ක්‍රමවල සුරක්ෂිත භාවය පිළිබඳ පනත.
*2024 අංක 33 දරන රාජ්‍ය ණය කළමනාකරණ පනත
*2024 අංක 36 දරන ශ්‍රී ලංකා විදුලිබල පනත.
*2024 අංක 37 දරන කාන්තාවන් සවිබල ගැන්වීමේ පනත.
*2024 අංක 44 දරන රාජ්‍ය මූල්‍ය කළමනාකරණ පනත.
*2024 අංක 45 දරන ආර්ථික පරිවර්තන පනත යන පනත.
මේ අතරින් සෘජුවම ආර්ථික ප්‍රතිසංස්කරණයන්ට අදාල පනත් 40 කට වැඩි ප්‍රමාණයක් සම්මත කිරීම සිදු කර ඇති බවත් පැවැසේ.
