මැතිවරණයට තරග කරන දේශපාලන පක්ෂ හා ස්වාධීන කණ්ඩායම් ඒ ඒ දිස්ත්‍රික් තේරීම්භාර නිලධාරී කාර්යාලවලදී නාමයෝජනා බාරදෙන අවස්ථාවේදී වත්කම් බැරකම් ප්‍රකාශ ඉදිරිපත් කළ යුතුය.
මැතිවරණ කොමිෂන් සභාව ලබාගන්නා මෙම වත්කම් බැරකම් ප්‍රකාශ විවෘත කර බැලීමට මැතිවරණ කොමිෂන් සභාවට නීතිමය අයිතියක් නොමැති බව ද මැතිවරණ කොමසාරිස් ජනරාල්වරයා කීවේය.
ඉකුත් ජනාධිපතිවරණයේදී අපේක්ෂකයන් ඉදිරිපත් කරන ලද වත්කම් බැරකම් ප්‍රකාශ මැතිවරණ කොමිෂන් සභාව විසින් අල්ලස් හෝ දූෂණ චෝදනා විමර්ශන කොමිෂන් සභාවට බාරදීමට කටයුතු කළ අතර, එම කොමිසම විසින් එම ප්‍රකාශන වෙබ් අඩවිය ඔස්සේ මහජනතාවට බලා ගැනීමට අවස්ථාව සලසා තිබුණි.
මෙම වත්කම් බැරකම් ප්‍රකාශ සම්බන්ධයෙන් දේශීය ආදායම් දෙපාර්තමේන්තුව විසින් ද සොයා බැලීමට නියමිත අතර, මෙතෙක් බදු නොගෙවූ වත්කම් සඳහා හිඟ බදු අය කිරීමට එම දෙපාර්තමේන්තුව කටයුතු කිරීමට ද නියමිතය.
-p.m
