මිනිසෙකු නින්දේ සිටියදී පවා ඔහුගේ හෝ ඇයගේ මොළය ක්‍රියාකාරී තත්ත්වයේ පවතින බවත්, නින්දේදී පවා වචන පිළිවෙලට වර්ග කරගැනීමේ හැකියාවක් මොළයට පවතින බවත් විද්‍යාත්මක පර්යේෂණයකින් හෙළි වී තිබේ.කේම්බ්‍රිජ් හා පැරීස් විශ්වවිද්‍යාලවල විද්‍යාඥයන් විසින් සිදුකළ පර්යේෂණයක් මෙම අනාවරණයට තුඩු දී තිබේ.
මෙම පර්යේෂණය සඳහා යොදාගත් පුද්ගලයන් නින්දෙන් අවදි වූ පසු වචන ඇසුරේ පරීක්ෂණයකට යොමුකර ඇති අතර, ඔවුන් නින්දේ සිටියදී පවා ඊට නිවැරදිව ප්‍රතිචාර දක්වා ඇති බව එහිදී නිගයනයකට පැමිණ තිබේ.
මෙම අධ්‍යයනයට අනුව නින්දේ පසුවන මොළයටත් වඩාත් සංකීර්ණ කාර්යයන් ක්‍රියාත්මක කළ හැකි බවත්, බොහෝ විට ඒ කාර්යයන් ස්වයංක්‍රීයව ක්‍රියාවට නැංවෙන බවත් සොයාගෙන තිබේ.
ඒ අනුව, මිනිසා නිදාගන්නා කාලය තුළ මොළයේ මෙම ශක්තියෙන් වැඩ ගන්නේ කෙසේද යන්න පිළිබඳව එම විද්‍යාඥයන් තවදුරටත් පර්යේෂණ සිදුකරමින් සිටින බව බී.බී.සී.ය කියයි.
