“ නංගි නැතුව මට පාළුයි “

Published in පුවත්
Friday, 12 September 2014 11:06

CryBoy”නංගියි, මමයි , සෙල්ලම් කළේ එකට. කෑම කෑවෙත් නංගියි, මමයි. අපි දෙන්නා නිදා ගත්තෙත් එක ඇදක. කවුරු හරි මාමෙක් නංගිව හොරකම් කරගෙන ගිහින් . අනේ නංගී නැතුව මට හරි පාළුයි. මගේ නංගිව කවුරු හරි මාමා කෙනෙක් තියාගෙන ඉන්නවා නම් , පින් සිද්ධ වෙයි නංගිව ආපහු ගෙනත් දෙන්න.”



හැඩූ ක`දුළින් යුතුව මෙලෙස සිය අදහස් කළේ පසුගිය 09 වැනිදා අළුයම් කාලයේදී නා`දුනන පිරිසක් විසින් පැහැරගෙන ගිය පමාරා කේෂාලී බණ්ඩාර දැරියගේ, බිනුල් ජවිනු බණ්ඩාර නැමැති එකම සොහොයුරාය.

නව හැවිරිදි වියෙහි පසුවන බිනුල් ජවිනු බණ්ඩාර දරුවා සිය නැගණිය පිළිබදව මෙසේ මතකය අවදි කළේය.

”මමයි, ලොකු නංගියි නිදා ගත්තේ බිත්තිය අයිනේ ඇදේ. අපිට එහා පැත්තේ ඇදේ අම්මයි, තාත්තායි, චූටි නංගියි නිදාගත්තා. මම නිදාගෙන ඉද්දී මගේ ඇගට උඩින් අතක් යනවා වගේ මතකයි. මම හිතුවේ ඒ ලොකු නංගිගේ අත කියලා. ටික වේලාවක් යද්දී සීතල හුළගක් වැදිලා මට ඇහැරුණා. ඇහැරිලා බලද්දී නංගී නෑ. මම තාත්තාට කතා කරලා ඇහැව්වා නංගි ඔයාලගේ ඇදේද කියලා. එතකොට තමයි තාත්තලාත් නංගි නෑ කියලා දැනගත්තේ. ” යැයි පැවසීය.


පැහැරගනු ලැබූ පමාරා කේෂාලී බණ්ඩාර දැරිය පිළිබද කිසිදු තොරතුරක් මේ වන තෙක් වාර්තාවී නොමැත.

පැහැරගත් දැරිය සොයාගැනීම සදහා අපරාධ පරීක්ෂණ දෙපාර්තමේන්තුවේ නිලධාරීන් කණ්ඩායම් කිහිපයක් ඇතුළු පොලිස් කණ්ඩායම් ගණනාවකගේ සහභාගීත්වයෙන් විශේෂ මෙහෙයුමක් මේවන විටත් ක‍්‍රියාත්මක වෙමින් පවතී.

119 දුරකථන අංකය ඔස්සේ සහ විවිධ පොලිස් ස්ථානවලට  පමාලි දැරිය පිළිබදව මහජනතාවගෙන් ඇතැම් තොරතුරු ලැබෙමින් පවතින බවත්, එම තොරතුරු ඔස්සේද පොලිස් පරීක්ෂණ මෙහෙයවන බවද පොලිසිය කියයි.

පැහැරගැණුනු දැරිය නිකදළුපොත ප‍්‍රදේශය අවට ඇති ගම්මානයක සගවාගෙන සිටින බවට සැකකෙරෙන අතර ඒ හේතුවෙන් ප‍්‍රදේශයේ මාර්ග ගණනාවකම පොලිස් කණ්ඩායම් කිහිපයක් පැය විසිහතර පුරාම මාර්ග සෝදිසිකිරීම් වල යෙදී සිටිති. 

(lfn.lk)

Leave a comment

ld add copy

Gossip

සජිතගේ කැදැල්ලට තවත් පුතෙක්

සජිතගේ කැදැල්ලට තවත් පුතෙක්

ජනප්‍රිය රංගන ශිල්පියෙක් වන සජිත ඇන්තනී හෙවත් ජැක්සන් ඇන්තනීගේ බාලම පුත්‍රයාට අද හරිම සතුටු දවසක් ඒ...

වජිරගේ වත්කම් විමසන්න ඇමතුම් රැසක්

වජිරගේ වත්කම් විමසන්න ඇමතුම් රැසක්

එක්සත් ජාතික පක්ෂයේ සභාපති, හිටපු පාර්ලිමේන්තු මන්ත්‍රී වජිර අබේවර්ධනගේ ජංගම දුරකථනයට පසුගිය සතියේ ඇ...

ආණ්ඩු පක්ෂ ,විපක්ෂ දේශපාලඥයින් රැසක් ප්‍රීති සාදයක

ආණ්ඩු පක්ෂ ,විපක්ෂ දේශපාලඥයින් රැසක් ප්‍රීති සාදයක

ආණ්ඩු පක්ෂයත් විරුද්ධ පක්ෂයත් නියෝජනය කරන දේශපාලඥයින් රැසක් ඊයේ(17) රාත්‍රියේ පැවති විවාහ මංගල උත්සව...

ඇල්ලේ අනතුරට මුහුණ දුන් දියණිය පැය 5ක් මවත් සමග දුරකථනයෙන් කතා කරයි

ඇල්ලේ අනතුරට මුහුණ දුන් දියණිය පැය 5ක් මවත් සමග දුරකථනයෙන් කතා කරයි

ඇල්ල – වැල්ලවාය මාර්ගයේ රාවණා ඇල්ල ආසන්නයේ සිදුවූ බිහිසුණු බස් අනතුර පිළිබඳ පුවත පසුගිය දා රටේම කතා...

Connet With Us