වනාතවිල්ලූව - කරතිව් මුස්ලිම් විද්‍යාලයේ සිසු දරුවන් 7දෙනෙකුට ලිංගික අපයෝජන කිරීමේ සිද්ධියක් සම්බන්ධයෙන් වනාතවිල්ලූව ප‍්‍රාදේශීය සභාවේ එක්සත් ජනතා නිදහස් සන්ධානය නියෝජනය කරන මන්ත‍්‍ර‍්‍රීවරයෙකු අත්අඩංගුවට ගැනීමට පොලිසිය මේ වනවිට පරීක්ෂණ ආරම්භ කර ඇත.අපයෝජනය බව කියන දරුවන් පාසලේ 9, 10, 11 සහ 12 යන ශ්‍රේණිවල ඉගෙනුම ලබන අය වන අතර, අධ්‍යාපන චාරිකාවකට සහභාගිවී සිටියදී ඔවුන් අදාළ අපයෝජනයට ලක්ව තිබේ.
ගුරුවරුන් 5 දෙනෙකු ගුරුවරියන් 6 දෙනෙකු සහ පාසල් සංවර්ධන කමිටුවේ සාමාජිකයන් තුන් දෙනෙකුදඑම අධ්‍යාපන චාරිකාවට සහභාගි වී සිටි බව මූලික විමර්ශනවලින් හෙළිකර ගෙන ඇත. සැකකාර මන්තී‍්‍රවරයාද පාසල් සංවර්ධන කමිටුවේ සාමාජිකයෙකු වේ.
