අදට යෙදී තිබෙන සිරකරු දිනය හේතුවෙන් බන්ධනාගාර ගත වූ රැඳවියන් 350 දෙනෙකු සඳහා අද (12) දින විශේෂ රාජ්‍ය සමාවක් හිමිව තිබෙන අතර ඊට සමගාමීව සිරකරුවන්ගේ දරුවන් සඳහා ශිෂ්‍යත්ව ප්‍රධානයක් ද අද දවසේ සිදු කෙරේ.
අතිගරු ජනාධිපතිතුමා හට ආණ්ඩුක්‍රම ව්‍යවස්ථාවේ 34 වන වගන්තියෙන් පැවරී ඇති බලතල අනුව එම රාජ්‍ය සමාව පිරිනැමෙනු ඇත.
අද රැඳවියන්ගේ ඥාතීන් විසින් රැගෙන එන ආහාර හා සනීපාරක්ෂක ද්‍රව්‍ය, එක් රැඳවියෙකුට ප්‍රමාණවත් වන පරිදි ලබා දීමට අවස්ථාව ලබා දී ඇති බවත්, සියලු සෞඛ්‍ය මාර්ගෝපදේශයන්ට අනුකූලව එම අමුත්තන් බැලීමේ කටයුතු දිවයිනේ සියලුම බන්ධනාගාර ආයතනයන් තුළ සිදු කරනු ලබන බවත් වාර්තා වේ.
