ඇතැම් අවස්ථාවල සජිත් ප්‍රේමදාස විසින් සිදුකරන මෝඩවැඩ අනුර දිසානායකට සහයක් වන බවයි වික්‍රමසිංහ සඳහන් කරන්නේ.
ඒ අනුව අද වන විට අනුර දිසානායක සජිත් ප්‍රේමදාසට තර්ජනයක් බවට පත්ව තිබෙන බව ජනාධිපතිවරයා කියාසිටියි.
”සජිත් ප්‍රේමදාසට කිසිදවසක අනුර දිසානායකව පරාජය කරන්න බැහැ. ඇයි? මේ රටේ හැමවෙලාවෙම තරඟය තිබුණේ දෙන්නෙක් අතර. ආණ්ඩුවේ එක්කෙනයි විපක්ෂයේ එක්කෙනයි. ඉස්සරකාලේ අගමැති වෙන්න දැන් ජනාධිපති වෙන්න. අගමැතිවරයා තමන්ගේ පක්ෂය බලාගන්නවා වෙනකාටවත් නෙවෙයි තමන් අපේක්ෂකයා වෙන්න. විපක්ෂ නායකයා බලා ගන්න ඕනේ තමන් හැර වෙනත් කෙනෙක් විපක්ෂ නායකයා නෙවෙයි කියල. මම හිටපු කාලේ මම ඉඩ දුන්නේ නැහැ වෙන කෙනෙක්ට එන්න. මහින්ද රාජපක්ෂ හිටපු කාලේ ඉඩ දුන්නේ නැහැ වෙන කෙනෙක්ට එන්න. ජනතා විමුක්ති පෙරමුණ ඉස්සෙල්ලම ගිහින් මහින්ද රාජපක්ෂට එකතුවෙලා ඇමතිකම් ගන්න සිදුවුණා. ඒකාලේ තමයි ඇවිල්ලා සොරබොර වැව හැදුවේ. මම ඉන්න කාලේ යහපාලන ආණ්ඩුවට එකතු වුණා. සජිත් ප්‍රේමදාසට ඕක කරන්න තිබුණේ. හැමදාම පාර්ලිමේන්තුවේ නැගිටලා ඕපාදුප කතාකරල හැමදාම පැය දෙක තුන නාස්ති කරලා අන්තිමට මොකක්ද සිදුවුණේ. දැන් අනුර දිසානායක ඇවිල්ලා සජිත්ට තර්ජනයක් වෙලා. සමහරු හිතනවා සජිත්ව පහුකරගෙන යන්න පුළුවන් කියල. සජිත්ට බැහැ අනුර දිසානායකව පරද්දන්න. සජිත්ට බෑ. සජිත් බාග වෙලාවට කරන මෝඩකම්වලින් අනුරට දිසානායකට උදව්වක් වෙන්නේ. ඒක මතක තියාගන්න. එක්සත් ජාතික පක්ෂයේ සියලු දෙනාටම කියනවා මේක ආරම්භ කළේ ඩී.එස්.සේනානායක. තව ඉදිරියට ගෙනිච්චේ ඩඩ්ලි සේනානායක. ජේ.ආර්.ජයවර්ධන.රණසිංහ ප්‍රේමදාස. ඒ උරුමය තමයි මම මෙතනට අරන් ඇවිත් තියෙන්නේ. මේ සැරේ ඒක අරගෙන ඇවිල්ල තියෙන්නේ රට වෙනුවෙන් මේ හැම කෙනාම එක්ක එකට එකතුවෙලා වැඩකරන්න.” යනුවෙන් වික්‍රමසිංහ මහතා තවදුරටත් පවසයි.
