ඒ කොළඹ මාළිගාවත්තේ පිහිටි සමස්ත ලංකා ජම්ඉයියතුල් උලමා සංවිධානයේ මූලස්ථානයයේදීයි.
එහි සභාපති අෂ්-ෂෙයික් එම්. අයි. එම්. රිස්වි මවුලවිතුමා ඇතුළු විධායක මණ්ඩලය සමඟ ජනාධිපතිවරයා සාකච්ඡා කර ඇති බවයි වාර්තා වන්නේ.
එහිදී පසුගිය කොරෝනා සමයේ මිය ගිය මුස්ලිම්වරුන් ඇතුළු සෙසු ආගමිකයන් ආදාහනය කිරීමට රජයට නිර්දේශ කළ පාර්ශ්ව සතුව පවතින වගවීම පිළිබඳ සොයා බලා කටයුතු කිරීමට අනෙකුත් පක්ෂ නායකයින් සමඟ සාකච්ඡා කර පාර්ලිමේන්තු තේරීම් කාරක සභාවක් පත් කිරීමට තමන් යෝජනා කරන බව ජනාධිපති රනිල් වික්‍රමසිංහ මහතා පවසා තිබෙනවා.
ජනාධිපතිවරයා මේ බව සඳහන් කර ඇත්තේ සමස්ත ලංකා ජම්ඉයියතුල් උලමා සංවිධානය කළ ඉල්ලීමට ප්‍රතිචාර දක්වමින්.
එළැඹෙන ජනාධිපතිවරණයේ දී ජනාධිපති රනිල් වික්‍රමසිංහ මහතාගේ ජයග්‍රහණය වෙනුවෙන් මවුලවිතුමන්ලා මෙහිදී සිය ආශිර්වාදය පළ කළ බවයි ජනාධිපති මාධ්‍ය අංශය සඳහන් කරන්නේ.
තමා මැතිවරණ කටයුතු ආරම්භ කිරීමෙන් පසුව මහානායක ස්වාමින් වහන්සේ මෙන්ම අනෙකුත් ආගමික පූජකතුමන්ලා ද හමුවී අවවාද අනුශාසනා ලබාගත් බව පැවසූ ජනාධිපති රනිල් වික්‍රමසිංහ මහතා සියලු ආගම්වලට සමාන කොට සැලකීමට තමා කැපවී සිටින බවද සඳහන් කර තිබෙනවා.
-P.M
