මීගමුව රෝහලට ඇතුලත් කළ 200 ක් පමණ සේවිකාවන්ගෙන් අවසානයට ඉතිරි වු සේවිකාවන් පිළිබදව එම ආයතනය නිසි අවධානයකින් කටයුතු කර නැතැයි යන චෝදනාවක් මේ වන විට චෝදනා එල්ල වන්නට පටන් ගෙන ඇත.

විශේෂයෙන්ම සේවිකාවක් මිය යන තත්වයට පත්විමත් සමගින් කම්කරුවන් අතර මේ චෝදනාවක් වඩාත් ප්‍රබලව එල්ලවෙමින් තිබේ.

රෝහලට  ඇතුළත් කල අතර, අනතුරුව එහිදී මිය ගිය කලුඅරාච්චිගේ ඥානවතී නමැති ඇඟලුම් සේවිකාවගේ මරණය සැක සහිත බව ඇයගේ ඥාතීහු සහ වෘත්තීය සමිති කියා සිටිති.

මොලය අභ්‍යන්තරයේ හටගත් රුධිර වහනයක් හේතුවෙන් ඇය මිය ගිය බවට අධිකරණ වෛද්‍යවරයා ලබා දුන් තීන්දුව බැහැර කරන පවුලේ ඥාතීන් හා වෘත්තීය සමිති මෙය අහාර විෂවීමක් හේතුවෙන් සිදු වූ මරණයක් බව පවසමින් වැඩිදුර පරික්ෂණයක් ඉල්ලා සිටියි.

ඇයගේ ඥාතීන් හා වෘත්තීය සමිති නායකයන් එක්ව කටුනායක පොලිසියට මේ පිලිබදව පැමිණිල්ලක්ද කර තිබේ.


ඉකුත් බ්‍රහස්පතින්දා දහවල් ආහාරයෙන් පසු කටුනායක නිදහස් වෙළද කලාපයේ පිහිටි කර්මාන්ත ශාලාවේ සේවකයන්ට වමනය සමග පාචනය තත්වයක් ඇති වූ බැවින් ඔවුන් රෝහල් ගත කෙරිණි.

පන්සීයකට වැඩි සේවකයෝ පිරිසක් රෝගී තත්වයෙන් පසු වූහ.

බරපතල ලෙස රෝගාතුර වූ සේවකයන් දෙදෙනෙකු දැඩිසත්කාර ඒකකයට ඇතුලත් කර තිබිණ..

ඉන් එක් අයෙකු වූ කලුඅරච්චිගේ ඥානවතී නමැති දෙදරු මව දැඩි සත්කාර ඒකකයට ඇතුළත් කිරීමෙන් අනතුරුව මිය ගියේය.  මියගිය සේවිකාව  42 වන වියෙහි පසුවූ අතර, ඇය ඇඹීලිපිටියේ පදිංචිකාරියක බවද වාර්තා වේ.

දැඩිසත්කාර ඒකකයේ සිටි අනෙක් සේවකයා අසාධ්‍ය තත්වයේ පසු වූ නමුත් ඔහු රෝහලෙන් පිටත් කර යවා ඇති අතර ඔහුගේ රෝගී තත්වය මේ වනතුරු සුව වී නොමැති බව වාර්තාවේ. 

(ජායා -meepura.com)