මේ පිරිස් අත්අඩංගුවට ගෙන මෙරටට ගෙන්වා ගැනීමට කටයුතු කරගෙන යන බව උසස් පොලිස් නිලධාරියෙක් පැවසීය.
පාතාල ක්‍රියාකාරකම් වැඩි වශයෙන් සිදුවන පොලිස් වසම් 43ක් හඳුනාගෙන ඇතැයි පොලිස් මූලස්ථානය පවසයි.
එම වසම් 43ම ඇත්තේ බස්නාහිර සහ දකුණු පළාතේ බවත් එම වසම් 43 සම්බන්ධයෙන් විශේෂ අවධානය යොමු කර ඇති බවත් එම නිලධාරියා කීවේය.
දිවයිනේ අනෙකුත් ප්‍රදේශවල පාතාල ක්‍රියාකාරකම් ඉතාම අඩු බවද ඔහු සඳහන් කළේය.
රටේ පාතාල ක්‍රියාකාරීන් 1091 පමණ සිටින බවට හඳුනාගෙන ඇතැයිද පොලිසිය පවසයි.
මේ අතර පාතාල ක්‍රියාකාරීන් පිරිසක් කංජිපාණී ඉම්රාන් සේ විදේශ රටවල පුරවැසි භාවය ලබා ගැනීමට කටයුතු කරමින් සිටින බවටද රජයේ බුද්ධි අංශ වලට තොරතුරු ලැබී ඇත.
මේ අතර කෝටිපති ව්‍යාපාරික සුරේන්ද්‍ර වසන්ත පෙරේරා නොහොත් ක්ලබ් වසන්ත ඝාතනය කිරීමෙන් පසු බන්ධනාගාරගතව සිටින පාතාල ක්‍රියාකරුවන් අතරද විවිධ ගැටුම් ඇතිවී තිබෙන බව බන්ධනාගාර ආරංචි මාර්ගවලින් පැවසේ.
- ලංකාදීප
