රවි කරුණානායක පවසා සිටින්නේ අඳුරට ශාප නොකර රට-ජනතාව වෙනුවෙන් සියලු දෙනා එකට එක්ව ක්‍රියා කළ යුතු බවය.
තවදුරටත් අදහස් දැක්වූ රවී කරුණානායක

“සමහර අය කිව්වා ඩොලරය රුපියල් 500ට යනව කියල. ඒ වගේම රටට ඩොලර් ගෙන එන්න ඉඩ නොදෙන බව ද මේ අවස්ථාවාදීන් එදා කියා සිටියා. ඒ විතරක් නොව මේ රටට එන්න එපා කියා සුද්දන්ට පවා කිව්වා. මේ රට ප්‍රතිසංස්කරණය කළ යුතු බව ද කියා සිටියා. කෙසේ නමුත් අවසානයේ මේ සියලු අභියෝහ භාර ගැනීමට රනිල් වික්‍රමසිංහ මහතා ක්‍රියා කළා. ඒ හේතුවෙන් අද ඩොලරය රුපියල් 300ට අඩු වෙලා. අද සුද්දො එනවා. රටට බෙහෙත්, කෑම සහ තෙල් ඇතුළු සියල්ල එනවා. පැය 24 පුරාවටම විදුලිය ලැබෙනවා. පෝලිම් යුගය අවසන් වෙලා. එහෙත් තවමත් ජන ජීවිතය පහසු නැහැ. මම ඒක පිළි ගන්නවා. හැබැයි එදා තිබුණු තත්ත්වයට වඩා රට ඉදිරියට ගමන් කරනවා. ඒ නිසා අඳුරට ශාප නොකර රට-ජනතාව වෙනුවෙන් අප සියලු දෙනා එකට එක්ව සමගියෙන් යුතුව ක්‍රියා කළ යුතුයි. අඳුරට ශාප නොකර එක පහනක් හෝ දැල්විය යුතුයි.”