එහෙත් ජනාධිපතිවරණ සූදානමක ඔහු පසුවන බව ආණ්ඩු පාර්ශ්වයෙ කියුම් කෙරුම් වලින් පැහැදිලි වෙමින් තිබේ.
මේ අතර ඊයේ දිනයේ සිට ආණ්ඩු පාර්ශ්වයෙන් සිදුව තිබෙන 'ආරංචිය සුබයි' යන ප්‍රචාරක මෙහෙයුම හමුවේ සියලු විපක්ෂ පක්ෂ කණ්ඩායම් බරපතල ව්‍යාකූලත්වයකට පත්ව ඇති බව සමාජ මාධ්‍ය තුල පැහැදිලිව පෙන්නුම් කර ඇත.. ආරංචිය සුබයි කියන වචන දෙක හමුවේ මෙම විපක්ෂ කණ්ඩායම් තමන්ගෙ උපරීම හැකියාව යොදවමින් එම ප්‍රචාරක මෙහෙයුමට පහර ගැසීම සිදු වෙමින් තිබේ.
එක් පොස්ටරයක් හමුවේ භීතියට පත් විපක්ෂ කොටස් වලට, රනිල් වික්‍රමසිංහ ජනාධිපති අපේක්ෂකයා ලෙස ප්‍රකාශයට පත් වීම තුළ සිදු විය හැකි අලකලංචිය සිතා ගත නොහැකි වෙන තත්වයක් විය හැකි බවට පත්ව ද තිබේ.
ජනාධිපතිවරයා වසර දෙකක් තුළ රට මුහුණ දුන් බරපතල ආර්ථික අර්බුදයෙන් මුදවා ගෙන රට යළි ස්ථාවර කරමින් ජනතා ගැටළු විසඳමින් යළි රට සංවර්ධනයේ මාර්ගයට ඇද දැමීමට සමත් වීම තුළ විපක්ෂයට යන එනමං නොමැති තත්වයක් ඇති කර ඇති බව මේ වන විට පැහැදිලිය. විපක්ෂ වචන දෙකකට බිය වී ඇත්තේ තමන් වසර දෙක තුනක පටන් ගොඩ නැගූ සිහින මන්දිර බිඳ වැටීමේ අනතුර නිසාය. මේ වන විටත් විපක්ෂ විසින් සිදු කරන සමීක්ෂණ වලත් ජනාධිපති රනිල් වේගයෙන් ඉහළම තැනට පත් වෙමින් තිබෙන බවත් අණාවරණය වී ඇත.
විපක්ෂය බලාපොරොත්තු වූයේ ජනාධිපති රනිල් ජනාධිපතිවරණය කල් දැමීමක් හෝ ඉදිරිපත් වීමක් හෝ නොකරනු ඇති බවය. නමුත් මේ වන විටත් දැවැන්ත මැතිවරණ මෙහෙයුම් කාර්යාල කිහිපයක්ම ආරම්බ කර ඇති අතර ඊට සම්බන්ධව රට පුරා මහා පරිමාණයේ ප්‍රචාරක මෙහෙයුමක් දියත් කිරීම සඳහා සූදානමක පසුවන බවත් දැනගැනීමට ඇත.
කොහොම නමුත් හෙට දිනයේ දි ණය ප්‍රතිව්‍යුහගත කිරීමට අදාල ගිවිසුම් අත්සන් කිරීමට නියමිතය. එම ගිවිසුම් අත්සන් කිරීමෙන් පසුවව ශ්‍රි ලංකාව මුහුණ දී සිටි ආර්ථික අර්බුදයෙන් ගොඩ එ්මක් සනි‍ටුහන් වෙනු ඇත. එනම් බංකොලොත් භාවයෙන් මිදුනා කියන පණිවිඩය තහවුරු වන්නක් වෙයි.
ආරංචිය සුබයි යන පූර්ව පණිවිඩය මේ වෙනුවෙන් කළ ප්‍රචාරක දැන්වීමක් බව දැනට තිබෙන තොරතුරු අනුව තහවුරුව පවතී.
