මේ පිළිබඳව ශ්‍රී ලංකාවේ ක්‍රිකට් පාලක මණ්ඩලය හා ජාත්‍යන්තර ක්‍රිකට් පාලක මණ්ඩලය විශේෂ අවධානය යොමු කර අවශ්‍ය පියවර ගන්නා ලෙස එම සංවිධානය ඉල්ලා සිටියි.

මහත්වරුන්ගේ ක්‍රීඩාවක් ලෙස සැළකෙන ක්‍රිකට් ක්‍රීඩාව තුළට ජාතිවාදි ආගම්වාදී, ග්‍රෝතවාදී සංකල්ප, මිත්‍යාමතවාද, මූලධර්මවාදය පැතිරවීම ඉතා අවාසනාවන්ත තත්වයක් බවත්, ඕනෑම ක්‍රිඩාවක් වෙත මෙවැනි අන්තවාදීන්ගේ අතගැසීම් මූලික මානව අයිතීන් උල්ලංඝනය කිරීමක් බවත්,  ජාත්‍යන්තර ක්‍රීඩා නීතිවලට පටහැනි බවත් එම සංවිධානයේ  සභාපති බුදුගල ජිනවංස හිමියන් නිවේදනයක් නිකුත්කරමින් කියා සිටියි.

අහමඩ් ෂෙසාඩ් මුස්ලිම් දහම වැළදගන්නා ලෙස කරන අයුතු බලපෑම තිලකරත්න ඩිල්ෂාන් ක්‍රීඩකයාට පමණක් කරන ලද බලපෑමක් නොව සමස්ත බෞද්ධ ලෝකයාටම කරන ලද අන්තවාදි තර්ජනාත්මක මානසික පීඩනයක් බව ද එම නිවේදනයේ දැක්වේ.