ශ්‍රී ලංකා ඉන්දියා ද්විපාර්ශ්වික සහයෝගිතාව තවදුරටත් ශක්තිමත් කිරීමේ අරමුණින් අද (20) දින පැමිණීමට නියමිතය.
විදේශ කටයුතු අමාත්‍යාංශය පවසන්නේ ඉන්දීය අගමැති නරේන්ද්‍රගේ ශ්‍රී ලංකා සංචාරයට පෙර, දෙරට අතර ක්‍රියාත්මක ව්‍යාපෘති සමාලෝචනය කිරීම සඳහා ඉන්දීය විදේශ ඇමැතිවරයා ශ්‍රී ලංකාවට පැමිණෙන බවයි.
ඉන්දීය ආධාර මත මෙරට ක්‍රියාත්මක සහ ක්‍රියාත්මක කිරීමට සැලසුම් කර තිබෙන සංවර්ධන ව්‍යාපෘති සමාලෝචනය කිරීමට අපේක්ෂා කරන ඉන්දීය විදේශ ඇමැතිවරයා ශ්‍රී ලංකාව සහ ඉන්දියාව අතර ද්විපාර්ශ්වික සබඳතා තවදුරටත් ශක්තිමත් කරගත හැක්කේ කෙසේ ද යන්න පිළිබඳ සොයා බලන බවත් පසුගිය ජූලි මාසයේදී අත්සන් කළ ශ්‍රී ලංකා ඉන්දීය ආර්ථික හවුල්කාරිත්ව දැක්ම යටතේ දෙරට අතර සම්බන්ධතාව වැඩිදියුණු කරගත හැකි ආකාරය පිළිබඳව ද සොයා බැලීමට නියමිත බවත් වාර්තාවේ.
ශ්‍රී ලංකාවේ රැඳී සිටින කාලයේදී ඉන්දීය විදේශ ඇමැතිවරයා සාකච්ඡා කිහිපයකට එක්වීමට නියමිතව තිබෙන අතර ජනාධිපති රනිල් වික්‍රමසිංහ, අගමැති දිනේෂ් ගුණවර්ධන, විපක්ෂ නායක සජිත් ප්‍රේමදාස සහ විදේශ කටයුතු ඇමැති අලි සබ්රි මහත්වරුන් හමුවීමට ද නියමිතව ඇතැයි විදේශ කටයුතු අමාත්‍යාංශය සඳහන් කරයි.
