ඊයේ (19 වැනිදා) ජනමාධ්‍ය අමාත්‍යංශයේදී පැවති ළමා අපයෝජන වාර්තාකරණය පිළිබඳව මාධ්‍යවේදින් දැනුවත් කිරීමේ පුහුණු වැඩමුළුවේදී නීතිඥවරිය මේ බව ප්‍රකාශ කළාය.

1995 අංක 22 දරන දණ්ඩ නීති සංග්‍රහය (සංශෝධන) පනතේ තුන්සිය හැටපස්වැනි වගන්තියේ සී කොටසට අනුව එම දඬුවම ලබාදීමේ හැකියාව පවතින බවත් එහි දී ඇය විසින් පවසන ලදී.

මෙසේ නීතිමය පියවර ගැනීමට හැකියාවක් පවතින බව බොහෝ මාධ්‍යවේදීන් සහ මාධ්‍ය ආයතන නොදන්නා බවත් ළමා අපයෝජන සිද්ධීන් වාර්තා කිරීමේදී එම ළමුන්ගේ සියලු තොරතුරු සහ ඔවුන් ජීවත්වන නිවසේ ඡායාරූප සහ වීඩියෝ දර්ශන විකාශනය කිරීමට කටයුතු කරන බව ඇය අවධාරණය කළාය. එම නිසා මාධ්‍යවේදීන් ළමුන් සම්බන්ධව සිදුවීම් වාර්තාකරණයේදී ඔවුන්ට කිසිම හානියක් සිදුනොවන ආකාරයෙන් වාර්තා කිරීමට වගබලා ගතයුතු බව නීතිඥවරිය පැවසුවාය.

තවද ජාතික ළමාරක්ෂණ අධිකාරියේ 1929 දුරකථන අංකයට සියයට විස්සක් (20%) ලැබෙන ඇමැතුම් ව්‍යාජ ඇමැතුම් බවද ජාතික ළමාරක්ෂණ අධිකාරිය පවසයි.