එම දුම්රියේ ගමන් කළ මගීන්, බස් රථවලින් පිටත් කර යැවූ බව, දුම්රිය පාලක මැදිරිය සඳහන් කළේ ය.
මේ හේතුවෙන් කොළඹ සිට බදුල්ල බලා ධාවනය වන දුම්රිය, හැටන් දක්වා සීමා කර තිබේ.
බදුල්ලේ සිට පැමිණෙන දුම්රිය ගමන් කරන්නේ, නානුඔය දක්වා පමණයි.
දුම්රිය පීලි ගත කිරීමේ කටයුතු ආරම්භ කර ඇතැයි, පාලක මැදිරිය සඳහන් කළේ ය.
මේ අතර ප්‍රධාන මාර්ගයේ සහ උඩරට මාර්ගයේ දුම්රිය ධාවනයට බාධා එල්ල වී තිබේ.
අද (16) උදෑසන කොළඹ කොටුව සිට ත්‍රිකුණාමලය දක්වා ධාවනය වන දුම්රියේ ප්‍රධාන නියාමක මහතා දුම්රියෙන් ඉවතට විසිවී සිදුවූ අනතුරක් හේතුවෙන් එම දුම්රිය මේ වනවිට ගම්පහ දුම්රිය ස්ථානයේ නවත්වා ඇති බව දුම්රිය දෙපාර්තමේන්තුව පැවසීය.
ඒ හේතුවෙන් ප්‍රධාන මාර්ගයේ දුම්රිය ධාවනය ප්‍රමාද වන බව සඳහන්ය.
ගනේමුල්ල - බුලුගහගොඩ යන දුම්රිය ස්ථාන අතර දී එම අනතුර සිදුව ඇති අතර අනතුරින් තුවාල ලැබූ දුම්රිය නියාමකවරයා රෝහල් ගතකර ඇති බව වාර්තා වෙයි.
මේ අතර තලවකැලේ සහ වටගොඩ දුම්රිය ස්ථාන අතර දුම්රියක් පීලී පැනීම හේතුවෙන් උඩරට මාර්ගයේ දුම්රිය ධාවනයට බාධා එල්ල වී ඇති බව දුම්රිය දෙපාර්තමේන්තුව පවසයි.
-P.M
