පසුගිය 09 වැනිදා කොළඹ දී පැවති මෙම සාකච්ඡාව සදහා ශ්‍රී ලංකා පොදුජන පෙරමුණ, ශ්‍රී ලංකා නිදහස් පක්ෂය සහ සමගි ජන බලවේගය නියෝජනය කරන මන්ත්‍රිවරුන් පිරිසක් එක්ව තිබේ.
කෙසේ වෙතත් මේ පිළිබදව ජනාධිපතිවරයා හමුවේ සාකච්ඡාවක්ද පවත්වා තිබෙන බව වාර්තා වේ.
එහිදී දේශපාලනික වශයෙන් සහ දුෂණයෙන් තොර, විරැකියාව අවම කරන ආණ්ඩුවක් බිහි කිරීම සඳහා වූ ගිවිසුම් දෙකක් ජනාධිපතිවරණ අපේක්ෂකයකු ලෙස ඉදිරිපත් වන වත්මන් ජනාධිපති රනිල් වික්‍රමසිංහ සමග අත්සන් කිරීමට සාකච්ඡා කර තිබේ.
එම සාකච්ඡාවට එක් වූ මන්ත්‍රීවරු පිරිසක් පවසා ඇත්තේ ‘‘රාජපක්ෂලා’’ නොමැති සන්ධානයක් බිහි කිරීමේදී ශ්‍රී ලංකා පොදුජන පෙරමුණ නියෝජනය කරන මන්ත්‍රිවරු 60කට අධික සංඛ්‍යාවක් ඊට එක්වීමට නියමිත බවය.
නව සන්ධානයේ ව්‍යවස්ථාව සකස් කිරීම සඳහා දේශපාලන නායකයන් තිදෙනකු මෙහිදී පත් කර ඇති අතර සතියක් තුළ ව්‍යවස්ථාව සකස් කිරීමට නියමිත අතර ඉන් පසු දේශපාලන පක්ෂ සමග ගිවිසුම් අත්සන් කිරීමට බලාපොරොත්තු වේ.
