පොලිසියට අසත්‍ය ප්රකාශයක් සිදුකළේ යැයි චෝදනා කර, පානදුර මහේස්ත්‍රාත් අධිකරණයට ඉදිරිපත් කළ වටරැක විජිත හිමියන් එළඹෙන 7දා තෙක් නැවතත් රක්ෂිත බන්ධනාගාර ගත කිරීමට පානදුර මහේස්ත්‍රාත් රුචිර වැලිවත්ත මහතා නියෝග කළේය. එසේම උන්වහන්සේ ගමන්ගත් වාහනය රුපියල් ලක්ෂ 50ක බැඳුම්කරයක් මත නිදහස් කරනු ලැබීය.
තමන් වහන්සේ පැහැර ගැනීමකට ලක්වු බවත් කිසියම් පිරිසක් තමන්ට පහරදී ගෙනවිත් දැමු බවත් පූජ්‍ය වටරැක විජිත හිමියන් මුලින් කියා සිටියහ.
පොලිසිය විසින් උන්වහන්සේ සොයාගත්තේ පානදුර හිරණ ප‍්‍රදේශයේ මාර්ගයක් අසල වැටී සිටියදිය.
මිට අදාළ වීඩියෝ දර්ශන මොරටුව විශ්ව විද්‍යාලය වෙත යවා වාර්තාවක් ලබාගන්නැයි ද පානදුර මහේස්ත‍්‍රාත්වරයා පොලිසියට නියෝග කර තිබේ.
අදාළ වාර්තාව මීලග නඩු දිනයේ දී තමන් වෙත ඉදිරිපත් කරන ලෙස මහේස්ත‍්‍රාත්වරයා පොලිසියට වැඩිදුරටත් නියෝග කළේය.
